ក្រោយលែងលះស្វាមី Zhao Liying ធ្វើខ្លួនកាន់តែខ្ញង់ឲ្យក្រមុំសុំចាញ់

ចិន៖ ក្រោយពីបានជ្រាបដំណឹងលែងលះគ្នា រវាង តារាស្រី Zhao Liying និង ស្វាមី បានធ្វើឲ្យហ្វេនៗជាច្រើនមានការសោកស្ដាយយ៉ាងខ្លាំង ជាពិសេស​ ថែមទាំងបានធ្វើឲ្យនាងកាន់តែទទួលបានការចាប់អារម្មណ៍ និងខណៈដែលពួកគេចង់ឃើញពីការបង្ហាញខ្លួនរបស់តារាស្រីរូបនេះ។

ជាក់ស្ដែង មិនឲ្យហ្វេនៗរង់ចាំយូរទៀតនោះ ដោយកាលពីយប់ថ្ងៃទី ១០ តារាស្រី Zhao Liying បានទទួលយកការអញ្ជើញឱ្យចូលរួមព្រឹត្តិការណ៍ផ្សាយបន្តផ្ទាល់ផ្សព្វផ្សាយផលិតផលម៉ាកយីហោមួយ ដែលភ្លាមៗបន្ទាប់ពី ប្រកាសពីកាលវិភាគការងាររបស់នាង ហ្វេនៗជាច្រើនមានការអន្ទះសារយ៉ាងខ្លាំងនៅក្នុងការរង់ចាំទស្សនារូបភាពរបស់តារាសម្តែងស្រីរូបនេះ ព្រោះនេះជាព្រឹត្តិការណ៍ដំបូង ដែលនាងបានចូលរួម បន្ទាប់ពីលេចលឺរឿងអាស្រូវនៃការផិតក្បត់ ថែមទៀតផង។  

នៅក្នុងនោះ ខាងស្ទូឌីយោរបស់នាង បានធ្វើឱ្យអ្នកគាំទ្រជាច្រើន ផ្ទុះការចាប់អារម្មណ៍យ៉ាងខ្លាំង ទៅលើរូបថតប៉ុន្មានសន្លឹក ដែលបានបង្ហាញពីសម្រស់ដ៏ស្រស់ស្អាត ជាមួយនឹងការតុបតែងខ្លួនក្នុងឈុតពណ៌ស ប្រកបដោយភាពទាក់ទាញ និងមានមន្តស្នេហ៍គួរជាទីគយគន់ នៅក្នុងក្រសែភ្នែកអ្នកទស្សនាជាច្រើន ផងដែរ៕

ប្រភព៖ Kenh14

សូមទស្សនារូបភាពខាងក្រោម៖