ម៉េចចឹង? ការប្រកួត UCL ផ្តាច់ព្រ័ត្រអាចនឹងប្តូរពីប្រទេសតួកគីទៅប្រកួតនៅប្រទេសនេះវិញ

អឺរ៉ុប៖ សហព័ន្ធបាល់ទាត់អង់គ្លេស កំពុងតែបើកកិច្ចពិភាក្សាជាមួយសមាគម UEFA ជុំវិញការប្តូរកីឡដ្ឋានប្រកួតវគ្គផ្តាច់ព្រ័ត្រ Champions League រវាង Manchester City និង Chelsea ដែលគ្រោងនឹងធ្វើឡើងនៅទីក្រុង Istanbul នៃប្រទេសតួកគី មកកាន់ ទីក្រុងឡុងដ៍ នៃប្រទេសអង់គ្លេសវិញ។

ជាការពិតណាស់ នាពេលថ្មីៗនេះ ប្រទេសតួកគី បានចេញសេចក្តីប្រកាសជាផ្លូវការអំពីការហាមឃាត់រាល់អ្នកដំណើរមកពីប្រទេសអង់គ្លេសមកកាន់ប្រទេសរបស់ខ្លួនដើម្បីការពារការរីករាលដាលនៃមេរោគកូវីដ-១៩​ បម្លែងថ្មី។ ការហាមឃាត់នេះមានន័យថា អ្នកគាំទ្ររបស់ Man City និង Chelsea មិនអាចហោះទៅកាន់ប្រទេសតួកគីដើម្បីគាំទ្រក្រុមរបស់ខ្លួននៅកីឡដ្ឋានផ្ទាល់បានឡើយ។

គួរបញ្ជាក់ដែរថា​ ការប្រកួតវគ្គផ្តាច់ព្រ័ត្ររវាង Man City និង Chelsea នឹងត្រូវធ្វើឡើងនៅថ្ងៃទី៣០ ខែឧសភា ចុងខែនេះហើយ៕

ប្រភព៖ marca

ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖

https://t.me/khmerload