រំភើបជំនួស! ទីបំផុតបវរកញ្ញាកម្ពុជា រ៉េត សារីតា បានមានវត្តមានក្នុងការប្រកួតហើយ

សហរដ្ឋអាមេរិក: កាលពីពេលថ្មីៗនេះ បវរកញ្ញាឯកចក្រវាលកម្ពុជា រ៉េត សារីតា ក្រោយពីបានបញ្ចប់ដំណើរទស្សនកិច្ចនៅក្នុងសហគមន៍ខ្មែរនៅសហរដ្ឋអាមេរិករួចមក កញ្ញាក៏បានចូលរួមក្នុងការប្រកួតនៅឯរដ្ឋផ្លរីដា ដោយយោងតាមគណនីហ្វេសប៊ុក និង Instagram របស់នាងបានបង្ហោះពីសកម្មភាពនៃការត្រៀមខ្លួន check In និងពីទំនាក់ទំនង ព្រមទាំងការបង្កើតនៅការប្រាស្រ័យទាក់ទងជាមួយនឹងបវរកញ្ញាដទៃទៀតបានយ៉ាងល្អផងដែរ។   

សូមរំលឹកផងដែរថា ក្រោយតេស្តអវិជ្ជមានវីរុសកូវីដ១៩ កញ្ញា រ៉េត សារីតា បេក្ខភាពតំណាងឲ្យជាតិកម្ពុជានឹងចូលប្រកួតកម្មវិធីបវរកញ្ញាឯកចក្រវាលលើកទី៦៩ ដែលគ្រោងនឹងប្រារព្ធឡើងនាថ្ងៃទី១៦ ខែឧសភា ខាងមុខនេះ ដោយការប្រកួតវគ្គបឋមនឹងធ្វើឡើងនាថ្ងៃទី១៤ ខែឧសភា ខាងមុខនេះផងដែរ៕

ដើម្បីទទួលបានព័ត៌មានបន្ថែម និងថ្មីៗ ព្រមទាំងរហ័សពីគេហទំព័រខ្មែរឡូតសូមចុច៖ https://t.me/khmerload