ខេត្តតាកែវ៖ យោងតាមសេចក្តីជូនដំណឹងរបស់រដ្ឋបាលខេត្តតាកែវ កាលពីថ្ងៃទី៤ ខែឧសភា ឆ្នាំ២០២១នេះ បានឱ្យដឹងថា មានករណីស្លាប់ បុរសជាជនជាតិខ្មែរ ចំនួន ០១នាក់ នៅមន្ទីរពេទ្យបង្អែកខេត្តតាកែវ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមការបញ្ជាក់ពីមន្ទីរពេទ្យបង្អែកខេត្តតាកែវ បានបញ្ជាក់ថា បុរសខាងលើ បានស្លាប់នៅថ្ងៃទី០៤ ខែឧសភានេះ វេលាម៉ោង ១០៖៣០ នាទី ឈ្មោះ សោម ស៊ីណាត ជាជនជាតិខ្មែរ អាយុ ៤៥ឆ្នាំ រស់នៅភូមិដំណាក់ត្រយឹង ស្រុកសំរោង ខេត្តតាកែវ បានចូលសម្រាកនៅមន្ទីរពេទ្យ នៅថ្ងៃដដែល ដោយមានអាការៈ ចុកណែនក្នុងទ្រូង និងទល់នោម។
តាមការសន្និដ្ឋានរបស់គ្រូពេទ្យ បានបញ្ជាក់ថា អ្នកឈ្មោះ សោម ស៊ីណាត បានស្លាប់បាត់បង់ជីវិតដោយសារជំងឺ ស្ទះសរសៃឈាមបេះដូង ទាំងរូបគាត់មានវិជ្ជមានវីរុសកូវីដ១៩៕