ជប៉ុន៖ ខ្សែភាពយន្ត «Rurouni Kenshin» គឺជាខ្សែភាពយន្ត Live-Action មួយដែលផលិតឡើងដោយធ្វើការដកស្រង់ចេញពីសៀវភៅប្រលោមលោករូបភាព Manga និងខ្សែភាពយន្តគំនូរជីវចល Anime ជប៉ុនដែលមានឈ្មោះដូចគ្នា ឬជាភាសាអង់គ្លេសថា Samurai X ដែលជាយីហោរឿងមួយដែលទទួលប្រជាប្រិយភាពខ្ពស់ខ្លាំងមែនទែន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហើយការផលិតនៃខ្សែភាពយន្ត Samurai បែប Sequel មួយនេះគឺត្រូវបានចាប់ផ្ដើមដំណើរថតតាំងពីឆ្នាំ២០១១ មកម៉្លេះពោលគឺទើបឆ្នាំ ២០១២ ខ្សែភាពយន្ត Rurouni Kenshin ដំបូងបង្អស់ត្រូវបានលិចចេញរូបរាងហើយទទួលបានប្រជាប្រិយភាពខ្លាំងដោយសារតែចំណុចល្អៗធំៗនៃខ្សែភាពយន្តនេះគឺដោយសាច់រឿងដ៏ល្អ ជាមួយនឹងសកម្មភាពប្រើប្រាស់ក្បាច់ដាវ Katana (ដាវរបស់អ្នកប្រយុទ្ធ Samurai) ដ៏អស្ចារ្យមិនចាញ់ Anime ឡើយ ដែលវាជាចំណុចបំពេញពេញចិត្តអ្នកគាំទ្រខ្លាំងមែនទែនបូកផ្សំជាមួយការជ្រើសរើសតារាសម្ដែងដ៏ល្អៗមកកាន់ដំណែងតួអង្គទាំងនោះជាពិសេសគឺលោក Satoh Takeru ដែលជាតារាម្នាក់ខិតខំប្រឹងប្រែងសម្រាប់ភាពយន្តដ៏អស្ចារ្យនេះ។
ទោះជាយ៉ាងណាក៏ដោយដោយសារតែការគាំទ្រពីសំណាក់ទស្សនិកជនទូទាំងពិភពលោក ធ្វើអោយខ្សែភាពយន្តមួយនេះបានលិចរូបរាងជាបន្តបន្ទាប់ដូចជា Rurouni Kenshin: Kyoto Inferno និង Rurouni Kenshin: The Legend Ends ចេញនៅក្នុងឆ្នាំ២០១៤ រហូតមកដល់ឆ្នាំ២០១៧ ក្រុមហ៊ុនដែលនៅពីក្រោយខ្សែភាពយន្តមួយនេះគឺ Warner Bros. បានប្រកាសជាផ្លូវការនូវការចេញខ្សែភាពយន្ត Rurouni Kenshin 4 និង 5 បន្តទៀតដែលគម្រោងនឹងចាក់បញ្ចាំងនៅក្នុងឆ្នាំ២០២១ ឆាប់ៗនេះដោយក្នុងវគ្គទី៤ មានឈ្មោះថា RurouniKenshin: The Final រីឯទី៥ គឺ Rurouni Kenshin: The Begining ដែលនិយាយអំពីរឿងរាវទាំងអស់ដែលបានកើតឡើងមុនព្រឹត្តិការណ៍ RurouniKenshin វគ្គទី១ ដែលចេញនៅឆ្នាំ២០១១ នេះឯង។
យ៉ាងណាមិញខ្សែភាពយន្តមួយនេះគឺត្រូវបានគេកត់សម្គល់ថាជាខ្សែភាពយន្តមួយដែលតួអង្គឯងលោក Satoh Takeru ព្យាយាមមិនប្រើប្រាស់តួអង្គជំនួស (Stun man) ដើម្បីធ្វើការសម្ដែងឈុតគ្រោះថ្នាក់ ឬប្រើប្រាស់ក្បាច់គុននានាៗឡើយពោលគឺលោកខិតខំសម្ដែងដោយខ្លួនឯងផ្ទាល់មិនចាញ់លោកឈិនឡុង (Jackie Chan) ប៉ុន្មានឡើយ។
គួអោយដឹងទៀតថាតារាសម្ដែងនៅក្នុងរឿងនេះទាំងអស់មិនត្រឹមតែលោក Takeru មួយទេដែលខិតខំប្រឹងប្រែងហាត់ស៉មសម្ដែងដើម្បីផលិតនូវខ្សែភាពយន្តដ៏អស្ចារ្យមួយនេះគឺយើងអាចមើលឃើញយ៉ាងច្បាស់ពីសកម្មភាពក្រៅឆាករបស់តារាសម្ដែងជប៉ុនទាំងនេះថាវាមានភាពអស្ចារ្យមែនទែនបើទោះបីវាជាការហាត់សមក៏ដោយ។
សូមទស្សនាវីដេអូខាងក្រោម៖