បន្ទាយមានជ័យ៖ នៅរសៀលថ្ងៃទី៤ ខែឧសភា ឆ្នាំ ២០២១នេះ អាជ្ញាធរក្រុងសិរីសោភ័ណ ខេត្តបន្ទាយមានជ័យ បានប្រមូលអ្នកជាប់ពាក់ព័ន្ធផ្ទាល់ និងប្រយោលជាមួយបុគ្គលវិជ្ជមានកូវីដ-១៩ម្សិលមិញ ចំនួន៤៦នាក់បន្ថែម ដោយធ្វេីតេស្តរហ័ស (Rapid Test) ទទួលបានលទ្ធផល អវិជ្ជមានកូវីដ-១៩ទាំងអស់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរជម្រាបថា កាលពីថ្ងៃទី៣ ខែឧសភា ឆ្នាំ២០២១ គណៈបញ្ជាការឯកភាពក្រុងសិរីសោភ័ណ ដឹកនាំដោយលោក ហ៊ឹល រ៉ាយ៉ា ប្រធានគណៈបញ្ជាការឯកភាពក្រុងសិរីសោភ័ណ ដឹកនាំកងកម្លាំងបាន ចុះប្រមូលអាជីវករ នៅក្នុងផ្សារសិរីសោភ័ណ ដែលពាក់ព័ន្ធជាមួយ ម្តាយបុគ្គលម្នាក់ដែលតេស្តវិជ្ជមានកូវីដ-១៩ ដោយម្តាយជាអាជីវករលក់ដូរ នៅក្នុងផ្សារសិរីសោភ័ណ រួមនឹងមិត្តភក្តិ បុគ្គលដែលមានតេស្តវិជ្ជមាន កូវីដ-១៩ មកធ្វេីតេស្តនៅមន្ទីរពេទ្យបង្អែកក្រុងសិរីសោភ័ណ។ យ៉ាងណាមិញ បច្ចុប្បន្ននេះ អាជ្ញាធរក្រុង បានតម្រូវឲ្យពួកគាត់ធ្វើចត្តាឡីស័ក នៅផ្ទះរៀងៗខ្លួន តែត្រូវអនុវត្តតាមវិធានការសុខាភិបាល៕
សម្រាប់ព័ត៌មានបន្ថែម និង រហ័ស សូមចុច៖ https://t.me/khmerload
ប្រភព៖ ទទក