ភ្នំពេញ៖ ជាការពិតណាស់ កញ្ញា គៀត សុវណ្ណាឡាង ដែលប្រិយមិត្ត ពុកម៉ែ បងប្អូន និងមហាជនខ្មែរបានស្គាល់ថា កញ្ញាជាតារាសម្តែង ដ៏មានប្រជាប្រិយភាពមួយរូបផងដែរនោះ នាងបានជួបទុក្ខជាទម្ងន់ ដោយកាលពីយប់ថ្ងៃទី ៣០ មេសា នេះឪពុកជាទីស្រឡាញ់ របស់កញ្ញាបានទទួលមរណភាពដោយ ជំងឺគៀបសរសៃឆ្អឹងខ្នង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ កាលពីប៉ុន្មាននាទីមុននេះ គណនីហ្វេសប៊ុកផ្ទាល់ខ្លួនរបស់ កញ្ញា សុវណ្ណាឡាង បានបង្ហោះទិដ្ឋភាពក្នុង ពិធីបុណ្យសពរបស់លោកប៉ានាង រួមទាំង សារដែលលោកឪពុក បានផ្តែផ្តាំយ៉ាង រំជួលចិត្តទៅកាន់នាងនិងប្អូនៗបែបនេះថា៖
ប៉ាសូមប៉ាទៅអោយសុខចុះខ្ញុំសន្យាថានឹងមេីលថែប្អូនៗនឹងម៉ាក់អោយបានល្អ ឈឺអញ្ជឹងហេីយនៅផ្ដាំកូនៗចុងក្រោយអោយចេះស្រលាញ់គ្នាៗ ប៉ាអេីយៗប៉ាអោយកូនធ្វេិចិត្តម៉េចបានបេីលឿនបែបនឹង បេីមានជាតិក្រោយកូនសូមកេីតជាកូនប៉ាទៀត
យ៉ាងណាមិញ ក្រោយពីទទួលដំណឹងមរណភាពដ៏សែនក្រៀមក្រំនេះ ក៏មានមហាជន និងសិល្បករ សិល្បការិនីជាច្រើនបានផ្ញើសាររំលែកទុក្ខជាមួយក្រុមគ្រួសាររបស់កញ្ញាផងដែរ៕
សូមទស្សនារូបភាពខាងក្រោម៖




