ក្ដៅៗ រកឃើញអ្នកវិជ្ជមានកូវីដ-១៩ ជាបុគ្គលិកផ្នែកដឹកជញ្ជូន ហាងលក់គ្រឿងសមុទ្រមួយកន្លែងនេះ

ភ្នំពេញ៖ យោងតាមសេចក្ដីជូនដំណឹងរបស់ អនុគណៈកម្មការស្រាវជ្រាវជំងឺកូវីដ១៩ នៅរសៀលថ្ងៃទី ២៨ ខែមេសានេះ បានឱ្យដឹងថា អនុគណៈកម្មការ ប្រកាសរកឃើញអ្នកឆ្លងកូវីដ១៩ ជាបុគ្គលិកធ្វើការ ខាងផ្នែកដឹកជញ្ជូន និងបានប៉ះពាល់មនុស្សជាច្រើន (អ្នកក្នុងហាង) នៅហាងលក់គ្រឿងសមុទ្រ រតនាស្រីទូច ដែលមានទីតាំងស្ថិតនៅផ្ទះលេខ១០ ផ្លូវ២៨១ សង្កាត់បឹងកក់១ ខណ្ឌទួលគោក ចាប់ពីថ្ងៃទី១៨ ដល់ថ្ងៃទី២៥ ខែមេសា ឆ្នាំ២០២១។

អាស្រ័យហេតុនេះ សូមបងប្អូនប្រជាពលរដ្ឋ ដែលបានទៅ ឬទទួលកញ្ចប់អីវ៉ាន់ពីទីតាំងខាងលើនេះ សូមដាក់ខ្លួនដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនេះ៕

ចង់ដឹងព័ត៌មានបន្ថែម សូមចុច៖ https://t.me/khmerload

ប្រភព៖ អនុគណៈកម្មការស្រាវជ្រាវជំងឺកូវីដ១៩