លោក Bico ចង់ឲ្យ Hazard ផ្ទេរទៅ Barcelona ជាជាង Real Madrid
អេស្ប៉ាញ៖ លោក John Bico ដែលជាអតីតភ្នាក់ងាររបស់ ខ្សែប្រយុទ្ធ Eden Hazard ជឿជាក់ថាបើសិនកាលណោះ Hazard ចាកចេញពី Chelsea មកចូលរួមជាមួយក្លិបអ្នកមានបុណ្យ Barcelona គឺគេប្រហែលក្លាយជាកីឡាករឆ្នើមផ្ដាច់គេក្នុងលោក។
Bico គិតថា ការផ្ទេររបស់ Hazard ទៅ Real Madrid នេះវាមិនមែនជាគំនិតល្អនោះឡើយព្រោះអ្នកគាំទ្រទាំងអស់សង្ឃឹមខ្ពស់ថារូបគេអាចនឹងមកជំនួស ខ្សែប្រយុទ្ធ Cristiano Ronaldo ដែលចាកចេញពីក្លិបនៅឆ្នាំ ២០១៨។
លោក John Bico បានថ្លែងថា៖
ដោយឡែក លោក Bico ក៏គិតដែរថានៅ Real Madrid គឺក្លិបទាមទារឲ្យកីឡាករមានកាយសម្បទារឹងមាំនិងតម្រូវឲ្យមានការហ្វឹកហាត់ខ្លាំងជាងនៅក្លិបផ្សេងៗទើបលោកគិតថា Barcelona ជាជម្រើសដ៏ត្រឹមត្រូវសម្រាប់កីឡាករសញ្ជាតិប៊ែលហ្ស៊ិករូបនេះ។
គួររម្លឹកផងដែរថា ខ្សែប្រយុទ្ធ Eden Hazard ផ្ទេរពី Chelsea ទៅ Real Madrid ក្នុងឆ្នាំ២០១៩ ដោយតម្លៃខ្លួនដល់ទៅ ១៥០លានផោន(ស្មើនឹង២០៨.៦លានដុល្លារ) ប៉ុន្តែពេលផ្ទេរមកទឹកដី Santiago Bernabeu គឺទម្រង់លេងរបស់គេធ្លាក់ចុះខ្លាំងណាស់និងមានបញ្ហារបួសមិនចេះចប់មិនចេះហើយ៕