ព្រឹកមិញនេះ ពេជ្រ សោភា ទទួលបានការចាក់វ៉ាក់សាំងកូវីដ-១៩ Sinovac ដូសទី ២ រួចរាល់ហើយ

ភ្នំពេញ៖ យោងតាមសេចក្តីប្រកាសកាលពីថ្ងៃទី៨ ខែមីនា ឆ្នាំ ២០២១ បន្ទាប់ពីក្រសួងសុខាភិបាលបានរកឃើញសិល្បករ សិល្បការិនីនៅកម្ពុជាមានវិជ្ជមានជំងឺកូវីដ១៩ ជាបន្តបន្ទាប់រួចមក សម្ដេចតេជោ ហ៊ុន សែន ប្រមុខរាជរដ្ឋាភិបាលនៃព្រះរាជាណាចក្រកម្ពុជា បានអនុញ្ញាតឲ្យសិល្បករសិល្បការិនីស្ម័គ្រចិត្តទាំងអស់អាចទទួលការចាក់វ៉ាក់សាំងការពារជំងឺកូវីដ១៩ តាមរយៈសមាគមមិត្តសិល្បៈស្ម័គ្រចិត្តជួយសង្គមដើម្បីជួយទប់ស្កាត់ការឆ្លងថ្មីក្នុងរង្វង់អ្នកសិល្ប:ផងដែរ។

យ៉ាងណាមិញ ព្រឹកមិញនេះយើងបានឃើញថា​ អ្នកនាង ពេជ្រ សោភា បានទទូលការចាក់វ៉ាក់សាំងការពារជំងឺកូវីដ១៩ Sinovac លើកទី២រួចហើយនៅឯ ទីស្ដីការក្រសួងព័ត៌មាន។ ហើយអ្នកនាង ក៏បង្ហោះសារ និងភ្ចាប់ជាមួយរូបភាពផងដែរថា៖ "វ៉ាក់សាំង លើកទី១ ​និងលើកទី២ រួចរាល់ហើយ ចូលរួមគោរពតាមការណែនាំរបស់ក្រសួងសុខាភិបាល ៣ការពារ៣កុំ"។ ហើយក៏បានចោទជាសំណួរទៅហ្វេនៗវិញថា "ខ្ញុំនៅតំបន់លឿង ចុះអ្នកទាំងអស់គ្នាវិញ?"

សូមទស្សនារូបភាពខាងក្រោម៖