បរទេស៖ លោកអ្នកប្រិយមិត្តប្រាកដជាបានស្គាល់មកហើយនូវតារាសម្ដែងដ៏ល្បីឈ្មោះទូទាំងពិភពលោកគឺតារាសម្ដែងដែលមានវ័យ ៥៨ឆ្នាំលោក Tom Cruise ដែលមានស្នាដៃផលិតក៏ដូចជាសម្ដែងនៅខ្សែភាពយន្តល្បីៗជាច្រើនតាំងពីឆ្នាំ ១៩៨១ មកម្ល៉េះជាពិសេសគឺភាពយន្តបែប Sequel រឿង Mission: Impossible ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ នាពេលថ្មីៗនេះតារាសម្ដែងលោកលោក Tom Cruise បានបង្ហាញថាវីរបុរសមិនមានតែក្នុងសកម្មភាពដែលមានតែនៅលើកញ្ចក់រោងភាពយន្តរឺ Smart Device ផ្សេងៗ នោះទេពោលគឺគាត់រហ័សរហួនបានជួយដល់អ្នកថតរូប (Cameraman) ម្នាក់ពីការរបូតជើងស្ទើរតែធ្លាក់ពីលើរថភ្លើងដែលកំពុងបរទៅមុខទៅហើយ ក្នុងកំឡុងពេលថតរឿង Mission: Impossible 7 នេះនៅឯផ្លូវដែក Yorkshire Moors ខាងជើង នៅថ្ងៃព្រហស្បតិ៍ ទី២២ ខែមេសា ឆ្នាំ២០២១ កន្លងផុតទៅនេះ។
បើយោងតាមសារព័ត៌មាន Dailymail UK បានឱ្យដឹងថាកំឡុងពេលថតនោះ Cameraman រូបនោះជាមួយនឹងលោក Tom Cruise បានពាក់ខ្សែពួរដើម្បីភ្ជាប់ពួកគេពីការភ្លាត់ធ្លាក់មានគ្រោះថ្នាក់ផ្សេងៗជាដើមដែលពេលនោះដោយសារតែខ្សែពួរនេះទើបធ្វើឱ្យលោក Tom Cruise ប្រទះដឹងថាអ្នកថតរូបនឹងមានបញ្ហាជាមិនខាន ក៏តារាសម្ដែងវ័យ ៥៨ឆ្នាំរូបនេះចាប់ទាញបុរសដែលជា Cameraman នោះភ្លាមៗយ៉ាងខ្លាំងដើម្បីចាប់គាត់កុំឱ្យធ្លាក់ពីរថភ្លើងដែលកំពុងធ្វើដំណើរនេះ បន្ទាប់មកទៀតលោកក៏ទាញបុរសជា Cameraman នោះឡើងមកលើវិញដោយមានសុវត្ថិភាព៕