រកឃើញអ្នកវិជ្ជមានកូវីដ១៩ ជាបុគ្គលិកលក់ នៅក្រុមហ៊ុនបោះដុំបន្លែមួយកន្លែងនេះ ក្នុងសង្កាត់បឹងសាឡាង

ភ្នំពេញ៖ នៅរសៀលថ្ងៃទី ២២ ខែមេសានេះ អនុគណៈកម្មការស្រាវជ្រាវជំងឺកូវីដ១៩ បានប្រកាសរកឃើញអ្នកកូវីដ១៩ គឺជាបុគ្កលិកលក់ នៅ ក្រុមហ៊ុន ហ៊ួរទៀន​ កន្លែងបោះដុំបន្លែ ចិន និងខ្មែរ ដែលមានទីតាំងនៅលើផ្លូវ ២១៧ សង្កាត់បឹងសាឡាង ខណ្ឌទួលគោក ចាប់ពីថ្ងៃទី១០ ដល់ថ្ងៃទី ១៨ ខែមេសា ឆ្នាំ២០២១។

អាស្រ័យដូចបានជម្រាបជូននេះ សូមបងប្អូនប្រជាពលរដ្ឋ ដែលបានទៅដើរផ្សារ នៅទីតាំងខាងលើនេះ សូមដាក់ខ្លួនដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនេះ៕

ប្រភព៖ អនុគណៈកម្មការស្រាវជ្រាវជំងឺកូវីដ១៩