ជប៉ុន៖ ថ្មីៗនេះ មាននារីជនជាតិជប៉ុនម្នាក់ បានធ្វើដំណើរពីឆ្ងាយអស់រយៈ២ម៉ោង ដើម្បីទៅទទួលទានអាហារថ្ងៃត្រង់ ដែលធ្វើដោយដៃផ្ទាល់ ជាមួយមិត្តប្រុសរបស់នាង។

នារីខាងលើមានគណនី Twitter ឈ្មោះថា Linekuramochi បានបង្ហោះរូបភាពចំនួនប៉ុន្មានសន្លឹក ដែលបង្ហាញពីនាង និងមិត្តប្រុសអង្គុយទទួលទានអាហារ ទៅលើបណ្ដាញសង្គម ហើយក្រោយមករូបភាពទាំងនោះ រួមទាំងរឿងរ៉ាវរបស់នាង ត្រូវបានហ្វេសប៊ុកផេកមួយ បានយកទៅបង្ហោះចែកចាយបន្ត និងទទួលបានការចាប់អារម្មណ៍យ៉ាងខ្លាំង។

ចំពោះរឿងរ៉ាវ នាងបានរៀបរាប់ឲ្យដឹងថា រូបនាងផ្ទាល់មិនមានការងារធ្វើឡើយ និងចង់មានបទពិសោធន៍ណាត់មិត្តប្រុស ដែលធ្វើការក្នុងក្រុមហ៊ុន។ ដូច្នេះនាងបានស្លៀកសម្លៀកបំពាក់ធ្វើការកាលពីមុន និងធ្វើដំណើរ២ម៉ោង ដើម្បីទៅទទួលទានអាហារថ្ងៃត្រង់ជាមួយមិត្តប្រុស នៅកន្លែងធ្វើការរបស់មិត្តប្រុស ហើយនាងក្រោយពីរួចសព្វគ្រប់ នាងក៏ត្រលប់មកផ្ទះវិញតែម្ដង។ ទន្ទឹមនឹងនោះ នាងក៏បានធ្វើកាតបុគ្គលិកមួយផងដែរ​ បើទោះបីជានាងមិនមែនជាបុគ្គលិកនៅក្រុមហ៊ុនណាក៏ដោយ។

យ៉ាងណាមិញ ជុំវិញរឿងរ៉ាវខាងលើនេះ បានធ្វើឲ្យមហាជនហួសចិត្ត និងកោតសរសើរផងដែរ ដែលនាងបានចំណាយពេលរៀបចំអាហារជាច្រើន និងចំណាយពេលវេលា ដើម្បីមិត្តប្រុសរបស់នាង៕

សូមទស្សនារូបភាពខាងក្រោម៖

នារីរូបនោះ
មិត្តប្រុសររបស់នាង
ម្ហូបដែលនាងបានរៀបចំ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ