រដ្ឋាភិបាលឡាវបានរាយការណ៍ពីករណីវិជ្ជមាននៃជំងឺកូវីដ-១៩ ថ្មី ចំនួន ០១នាក់បន្ថែមទៀត

ឡាវ៖ នៅថ្ងៃពុធទី ១៤ ខែមេសាឆ្នាំ ២០២១ នេះក្រសួងសុខាភិបាលប្រទេសឡាវបានរាយការណ៍ពីករណីឆ្លងជំងឺកូវីដ-១៩ មួយនាក់បន្ថែមទៀតដែលនាំឱ្យមានចំនួនអ្នកបានឆ្លងសរុបកើនឡើងដល់ ៥៣ នាក់ក្នុងនោះមានអ្នកជាសះស្បើយឡើងវិញចំនួន ៤៩ នាក់ផងដែរ។

អគ្គនាយករងនៃនាយកដ្ឋានប្រយុទ្ធនឹងជំងឺឆ្លងក្រោមក្រសួងសុខាភិបាលឡាវលោក Phonepaserd Sayamoungkhoun បានថ្លែងប្រាប់សន្និសីទសារព័ត៌មានមួយនៅទីក្រុងវៀងច័ន្ទន៍ប្រទេសឡាវថាករណីថ្មីនេះគឺជាស្ត្រីអាយុ ២៥ ឆ្នាំដែលបានវិលត្រឡប់មកពីប្រទេសថៃវិញ។

អ្នកជំងឺដែលជាជនជាតិឡាវបានធ្វើដំណើរពីប្រទេសថៃនៅថ្ងៃទី ៧ ខែមេសាហើយបានមកដល់ខេត្តភាគនិរតីនៃប្រទេសឡាវនៅថ្ងៃទី ៨ ខែមេសា។ អ្នកជំងឺកំពុងសម្រាកព្យាបាលនៅមន្ទីរពេទ្យដែលបានកំណត់ក្នុងខេត្តចំប៉ាសាក់។

គួររំលឹកផងដែរថាប្រទេសឡាវបានរាយការណ៍អំពីករណីជំងឺកូវីដ-១៩ ដំបូងរបស់ខ្លួននៅថ្ងៃទី ២៤ ខែមីនាឆ្នាំមុន៕

ប្រភព៖ Xinhua News