កូរ៉េខាងត្បូង៖ Seohyun ដែលមហាជនជាច្រើនបានស្គាល់ថាជាតារាសម្តែងស្រីម្នាក់ដ៏ឆ្នើមនៅឯប្រទេសកូរ៉េខាងត្បូង ក៏ដូចជាសមាជិកកូនពៅរបស់ក្រុមនារី Girls' Generation ត្រូវបានមហាជនជាច្រើនស្ងើចសរសើរអំពីអត្តចរិតរបស់ Seohyun បន្ទាប់ពីនាងត្រូវបានទទួលសំពាតពីមនុស្សមួយចំនួនយ៉ាងណាក៏ដោយ ក៏នាងហាក់បីដូចជាមិនប្រតិកម្មអ្វីទាល់តែសោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនាមជាអ្នកសិល្បៈខាងតារាចម្រៀងក៏ដូចជាតារាសម្តែងស្រីម្នាក់ Seohyun បានចូលប្រលូក្នុងវិស័យមួយនេះតាំងពីអាយុ១៦ឆ្នាំម្ល៉េះ ដោយកាលនោះនាងបានក្លាយជាសមាជិកម្នាក់របស់ក្រុម Girls' Generation ជាសមាជិកដែលមានអាយុតិចជាងគេ។ មកដល់បច្ចុប្បន្ន Seohyun បានចាប់អាជីពជាតារាសម្តែង ហើយនាងបានសម្តែងរឿងជាច្រើនដូចជា÷ Time, Private Life, Moon Lovers ក៏ដូចជាមានរឿងជាច្រើនផងដែរ សុទ្ធតែទទួលបានការគាំទ្រខ្លាំង។
តាំងតែពីដើមមក Seohyun ត្រូវបានគេស្គាល់ថាជាមនុស្សស្រីដែលមានអត្តចរិតស្លូតបូត សុភាពរាបសារ មិនសូវនិយាយស្តីច្រើន ហើយនាងពិតជាសកម្មជាមួយការងារណាស់ ជាពិសេសតែងតែស្រលាញ់យកចិត្តទុកដាក់មនុស្សជុំវិញខ្លួនជានិច្ច បើទោះជាពេលមួយនោះនៅឆ្នាំ២០១៨ កំឡុងពេលធ្វើសន្និសីទកាសែតសម្រាប់រឿង "Time" ដោយខាងតួប្រុសឈ្មោះ Kim Junghyun បានបដិសេធមិនចង់គៀកដៃជាមួយ Seohyun នៅមុខមហាជនក៏ដោយ ក៏ Seohyun នៅតែបញ្ចេញស្នាមញញឹម អត្តចរិតពោរពេញដោយសេចក្តីថ្លៃថ្នូរទៅកាន់អ្នកសារព័ត៌មានជានិច្ចរហូតដល់ចប់កម្មវិធី។
កត្តាទាំងអស់នេះហើយទើបធ្វើឱ្យ Seohyun ត្រូវបានមហាជនគោរពស្រលាញ់នាងខ្លាំងណាស់ ដោយសារអត្តចរិតពីធម្មជាតិរបស់នាងនេះឯង៕
សូមទស្សនារូបភាពខាងក្រោម៖
ប្រភព៖ YouTube