ជីវិតប្ដីប្រពន្ធគឺជាបីម៉ាត់យ៉ាងខ្លី តែបង្កប់នូវអត្ថន័យ និងភាពទទួលត្រូវខ្ពស់។ មុនសម្រេចចិត្តរៀបការជាមួយ​នរណា​ម្នាក់​​គប្បីអ្នកសិក្សាស្វែងយល់ពីគ្នាឲ្យបានយូរបន្តិច ជៀសវាងជួបរឿងសៅម៉ងនៅថ្ងៃក្រោយ ព្រោះអង្ករក្លាយជា​បាយ​ហើយពិបាកកែរខៃណាស់។ តែបើរៀបការរួមរស់ជាមួយគ្នាជាប្ដីប្រពន្ធហើយ តែការរស់នៅបែរជាមិនចុះសម្រុងគ្នាតើ​គួរធ្វើ​បែប​ណាទៅ? ទ្រាំមែនទេ? រឿងខ្លះមិនអាចទ្រាំរហូតនោះទេ អ្នកគួររិះរកមធ្យោបាយ ដើម្បីបញ្ចប់បញ្ហា។ហើយហេតុផលខាងក្រោម បញ្ជាក់យ៉ាងច្បាស់ថាអ្នកគួរពិចារណាដោះលែងគ្នាហើយ បើសិនដៃគូរហាក់ព្រងើយ​កណ្តើយ​​ដាក់គ្នា។

១. អស់​អារម្មណ៍​រួម​មេត្រី​នឹង​គ្នា

រូបតំណាង

ការរួមមេត្រីគឺជារឿងចាំបាច់ហើយដៃគូ​ភាគច្រើនតែងតែផ្ដល់ឲ្យគ្នាទៅវិញទៅមកដើម្បីរក្សាចំណងស្នេហា។ តែបើក្នុង​ចំណោមយើងពីរនាក់ មាននរណាម្នាក់ហាក់ប្រលែងដៃចោល លែងខ្វល់ ឬធ្វើជារឿងធម្មតាដូចមនុស្សដទៃពីគ្នា នោះ​មានន័យ​ថា​គាត់ប្រហែលធុញថប់ ឬចង់ផ្លាស់ប្ដូរស់ជាតិហើយ។ អ្នកអាចពិចារណាបានថាគួរបន្តទ្រាំទទួលយករឿង​នេះ​បាន​ដល់ពេលណា។

២. លែង​ចង់​ចែក​រំលែក​ទុក្ខ និង​សុភមង្គល​ទៀត​ហើយ

រូបតំណាង

មើលមុខគ្នាមិនចំផង មានអារម្មណ៍ឯណាទៅពិភាក្សារឿងសុភមង្គលគ្រួសារនោះ។ កាលនៅជាសង្សារដូចជា​ផ្អែមផ្ហែម​ណាស់ ខាននិយាយគ្នាតែមួយថ្ងៃដូចខាននិយាយមួយឆ្នាំអ៉ីចឹង ចុះពេលនេះហេតុអ្វីប្រែប្រួលម្លេះ? មុខមិនឲ្យក្រោយមិនមើល ហាក់បីដូចជាមនុស្សមិនដែលស្គាល់គ្នា បើនៅតែបន្តទង្វើរសោះអង្គើបែបនេះទៀត ស្នេហាមួយនេះប្រហែលដល់ទីបញ្ចប់ឆាប់ៗហើយ។

៣. និយាយតែ​ពី​រឿង​​លែងលះ​គ្នាគ្រប់ពេល

រូបតំណាង

មុនចង់បញ្ចប់ម្ដេចមិនគិតដល់ពេលចាប់ផ្ដើមផងទៅ។ គាត់ប្រហែលនឿយណាយជាមួយអ្នកហើយ គាត់ប្រហែលជា​ហត់​នឹង​បង្កើតសុភមង្គលជាមួយអ្នកទៀតហើយ បើមនុស្សស្រលាញ់គ្នាប្រហែលអត់គ្នាមិនបានទេ តែក្នុងដំណាក់​កាល​នេះ​អ្នកគួរដល់ពេលដោះលែងគាត់ហើយ ព្រោះមុននឹងក្រោយគាត់គង់តែចាក់ចេញដដែលទេ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក ch[email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ