អេស្ប៉ាញ៖ តារាឆ្នើមរបស់ក្រុមអ្នកមានបុណ្យ FC Barcelona កីឡាករ Lionel Messi បានបរាជ័យក្នុងការរកគ្រាប់បាល់សាជាថ្មីម្តងទៀតនៅក្នុងជំនួប El Clasico ទល់នឹងក្រុមអធិរាជស Real Madrid ខណៈ ៧ ប្រកួតចុងក្រោយ Messi រកគ្រាប់បាល់មិនបានសោះ ដែលនេះជាកំណត់ត្រារយៈពេលវែងបំផុតសម្រាប់បុរសសញ្ជាតិអាហ្សង់ទីនមិនអាចស៊ុតបញ្ចូលទីបានទល់នឹងក្រុមអធិរាជស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Messi ហាក់មិនអាចធ្វើអ្វីបានសោះ ដែលអាចជួយស្ដារលទ្ធផលមិនឱ្យក្រុម Barcelona ចាញ់ Real Mdrid ជាលើកទី ២ នៅក្នុងរដូវកាលនេះ តួយ៉ាងការប្រកួតទើបតែបញ្ចប់ទៅកាលពីយប់ថ្ងៃសៅរិ៍កន្លងទៅ ដោយ Barcelona បានចាញ់ ២-១ ទៅលើក្រុម Real Madrid។
យោងតាមរបាយការណ៍របស់គេហទំព័រ Optajose បានបង្ហោះនៅលើបណ្តាញសង្គម Twitter យ៉ាងដូច្នេះថា៖
Messi បានស៊ុតចំនួន ៧ លើក ក្នុងនោះស៊ុតចំគោលដៅចំនួន ២ លើក ប៉ុន្តែជារួមគេមិនអាចទម្លុះសំណាញ់ទីរបស់អធិរាជសក្រោមថ្វីដៃរបស់អ្នកចាំទៅ Thibaut Courtois បានឡើយ។ ការប្រកួត ៧ លើកចុងក្រោយនៅក្នុងជំនួប El Clasico រវាងក្រុម Barcelona នឹង Real Madrid បុរសសញ្ជាតិអាហ្សង់ទីន គឺមិនអាចរកគ្រាប់បាល់បានសោះដែលនេះជាកំណត់ត្រាដ៏អាក្រក់មិនធ្លាប់មានពីមុនមកសម្រាប់គេ។ តួយ៉ាងការខ្សត់គ្រាប់បាល់បែបនេះគឺបានកើតឡើងតាំងតែពី ខែ ឧសភា ឆ្នាំ ២០១៨ មកម្ល៉េះ ដែលនេះអាចជាចំនួនច្រើនបំផុត រយៈពេល ១,០០០ថ្ងៃ៕
0 - Lionel Messi 🇦🇷 has made seven shots, more than any other league #ElClasico without scoring (alongside November 2005 at Bernabéu). The Argentinian are suffering his worst run without involving vs @realmadriden (seven games in a row in all comps). Soaked#RealMadridBarcelona pic.twitter.com/ZrmBG7JxkM
— OptaJose (@OptaJose) April 10, 2021
ប្រភព៖ Goal
Bong I.T