រឿងខ្លះអ្នកពុំគួរឲ្យអ្នកក្រៅដឹងពីអ្នកច្រើនពេកនោះទេ ហើយរឿងខ្លះមិនប្រាកដថាពេលគេដឹងពីអ្នក រួចគេសារទ្រជាមួយអ្នកឡើយ។ ហេងស៊យគេពេបជ្រាយនិយាយដើមចុងពីអ្នកផងក៏មិនដឹង។ហើយនេះជាហេតុផលចម្បងដែលយើងតែងតែសង្កេតឃើញពីគូរស្នេហ៍ដែលស្រលាញ់គ្នាពិតប្រាកដមិនដែល បើកបង្ហាញឲ្យអ្នកដទៃដឹងពីពួកគេច្រើននោះឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. រស់នៅជាមួយជីវិតពិតប្រសើរជាង
រូបនៅលើបណ្ដាញសង្គមគ្រាន់តែជាជ្រុងមួយដែលមនុស្សគ្រប់គ្នាចង់បង្អួតគ្នាទៅវិញទៅមកតែប៉ុណ្ណោះ។ ថ្វីបើគេមិនបានបង្ហាញភាពផ្អែមល្ហែមជាមួយគ្នានៅលើបណ្ដាញសង្គមមែន តែជីវិតពិតជាក់ស្ដែងគេអាចមើលថែរក្សាគ្នាបានយ៉ាងល្អប្រពៃ។ ដែលខុសពីមនុស្សដទៃចូលចិត្តអួត ចូលចិត្តបង្ហាញ ដល់ពេលបែកបាកគ្នាខ្មាស់គេជាងអ្នកដែលមិនបង្ហាញផងក៏ថាបាន។
២. ពួកគេយល់ថារឿងឥតប្រយោជន៍
ចាំបាច់អីត្រូវត្អួញត្អែបង្ហាញឲ្យអ្នកដទៃដឹងពីរឿងផ្ទៃក្នុងរបស់យើងនោះ? មានរឿងអីក៏និយាយត្រង់ៗជាមួយដៃគូយើងទៅ ផុសទាក់ទាញចំណាប់អារម្មណ៍គ្មានចំណេញបានអ្វីមកវិញទេ គឺបានត្រឹមតែគេសើចពីអ្នក ហើយវាយតម្លៃអ្នកតែប៉ុណ្ណោះ។
៣. សុភមង្គលពិត គឺបានមកពីមនុស្សដែលខ្លួនស្រលាញ់
ស្រលាញ់អ្នកនៅក្បែរយើងឲ្យតែល្អទៅបានហើយ មិនបាច់ទៅប្រាប់ពិភពលោកទាំងមូលថាអ្នកស្រលាញ់ដៃគូអ្នកទេ។ ចំពោះគូស្នេហ៍ដែលយល់ពីរឿងនេះ ភាគច្រើនពួកគេនឹងមិនចាប់អារម្មណ៍លើការបើកចំហពីរឿងរ៉ាវស្នេហារបស់គេលើបណ្ដាញសង្គមនោះទេ៕
Bong I.T