ភ្នំពេញ៖ ខណៈបច្ចុប្បន្ននេះប្រទេសកម្ពុជាកំពុងតែទទួលរងនូវការរីករាលដាលជំងឺកូវីដ១៩ យ៉ាងខ្លាំង ដោយករណីឆ្លងប្រចាំថ្ងៃហាក់បន្ដកើនឡើងជាលំដាប់ ដែលបណ្ដាលឱ្យទីតាំងសម្រាប់ដាក់សម្រាកព្យាបាលអ្នកជំងឺកូវីដ១៩ និងធ្វើចត្តាឡីស័កចាប់ផ្តើមមានកំណត់។
ដូចនេះហើយ នាវេលាថ្ងៃត្រង់ថ្ងៃសុក្រ ១២រោច ខែចេត្រ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៩ ខែមេសា ឆ្នាំ២០២១នេះ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ បានអញ្ជើញចុះពិនិត្យទីតាំងវិទ្យាល័យ ជា សុីម សាមគ្គី ដើម្បីយកធ្វើជាកន្លែងសម្រាកព្យាបាលអ្នកមានជំងឺកូវីដ១៩ និងធ្វើចត្តាឡីស័ក ដោយក្នុងនោះរដ្ឋបាលរាជធានីភំ្នពេញបានរៀបចំយកចំនួន៣អគារ ស្មើនឹង៣៤បន្ទប់ក្នុងមួយបន្ទប់ដាក់បានចំនួន៧នាក់៕
ប្រភព៖ រដ្ឋបាលរាជធានីភ្នំពេញ