ភ្នំពេញ៖ ករណីផ្ទុះឡើងជំងឺកូវីដ-១៩ ចេញផ្សារអូរឬស្សី បានចោទជាបញ្ហាថ្មីមួយទៀត សម្រាប់រាជធានីភ្នំពេញ ពោលគឺក្រោយតែពីការប្រកាសរកឃើញចំនួន ៦ករណីដំបូង លើអនុប្រធានផ្សារ អាជីវករ និងសន្ដិសុខផ្សារ កាលពី០២ ខែមេសា កន្លងទៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ យោងតាមអនុគណៈកម្មការស្រាវជ្រាវជំងឺកូវីដ-១៩ បានឲ្យដឹងថា ករណីឆ្លងជំងឺកូវីដ-១៩នៅផ្សារអូរឬស្សី បានកើតឡើងដល់ ១១១នាក់ហើយ បើគិតត្រឹមព្រឹកថ្ងៃទី៨ ខែមេសា ឆ្នាំ២០២១នេះ។
អាស្រ័យហេតុនេះ ប្រសិនបើបងប្អូនមានរោគសញ្ញាដូចជា គ្រុនក្ដៅ ក្អក កណ្ដាស់ ឈឺបំពង់ក ឬដកដង្ហើមខ្លីៗ សូមមេត្ដាទៅធ្វើតេស្ដនៅតាមទីតាំងដូចជា នៅវិទ្យាល័យបាក់ទូក វិទ្យាល័យបឹងត្របែក មណ្ឌលសុខភាពចាក់អង្រែក្រោម មន្ទីរពេទ្យខ្មែរ-សូវៀត សាលាបឋមសិក្សាសុភមង្គល ឬមន្ទីរពេទ្យបង្អែកនៅតាមបណ្តាខេត្តនានា។
ដោយឡែក សម្រាប់អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ៕