ហានិភ័យ! អ្នកធ្លាប់ចូលហាងបាយមួយនេះ នៅខណ្ឌទួលគោក បើមានអាការមិនស្រួល ត្រូវទៅធ្វើតេស្ដជាបន្ទាន់

ភ្នំពេញ៖ នៅព្រឹកថ្ងៃទី០៨ ខែមេសានេះ អនុគណៈកម្មការស្រាវជ្រាវជំងឺកូវីដ-១៩ បានអំពាវនាវដល់ប្រជាពលរដ្ឋទាំងអស់ដែលបានទៅហូបអាហារ ឬមានទំនាក់ទំនងជាប្រចាំជាមួយបុគ្គលិក នៅហាងបាយ អ័រគីដេ ផ្លូវលេខ ១៥០ សង្កាត់​ផ្សារដេប៉ូ១ ខណ្ឌទួលគោក ចាប់ពីថ្ងៃទី២៤ ខែមីនា រហូតដល់ថ្ងៃទី៦ ខែមេសា ឆ្នាំ២០២១​ សូមទៅធ្វើតេស្ដរកជំងឺកូវីដ-១៩ ឱ្យបានលឿនបំផុត ប្រសិនមានអាការសង្ស័យ ព្រោះអ្នកជំងឺកូវីដ១៩ ធ្វើការនៅក្នុងហាងបាយនេះ។

សូមបញ្ជាក់ថា ទីតាំងដែលបងប្អូនអាចទៅធ្វើតេស្ដរកជំងឺកូវីដ-១៩ បាន រួមមាននៅវិទ្យាល័យ​បាក់ទូក​ វិទ្យាល័យ​បឹង​ត្របែក​ មណ្ឌលសុខភាពចាក់អង្រែក្រោម មន្ទីរ​ពេទ្យខ្មែរ-សូវៀត​ សាលាបឋមសិក្សាសុភមង្គល និងមន្ទីរពេទ្យបង្អែកនៅតាមបណ្តាខេត្តនានា​។ ដោយឡែក អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ៕

ប្រភព៖ អនុគណៈកម្មការស្រាវជ្រាវជំងឺកូវីដ-១៩