រាជធានីភ្នំពេញ៖ យោងតាមការបញ្ជាក់របស់ក្រសួងសុខាភិបាល នៅថ្ងៃទី០៨ ខែមេសា ឆ្នាំ២០២១ នេះបានឱ្យដឹងថា មានបុរសជាជនជាតិខ្មែរពីរនាក់ទៀតហើយ បានស្លាប់បាត់បង់ជីវិត ដោយសារជំងឺកូវីដ១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះដែរ បុរសម្នាក់វ័យ៦៨ឆ្នាំ បានរកឃើញវិជ្ជមានកូវីដ១៩ នៅថ្ងៃទី០៧ ខែមេសា ឆ្នាំ២០២១ បញ្ជាក់ពីមន្ទីរពិសោធន៍ជាតិសុខសាធារណៈ ហើយត្រូវបានបញ្ជូនមកសម្រាកព្យាបាលនៅមន្ទីរពេទ្យហ្លួងម៉ែ នៅថ្ងៃទី០៧ ខែមេសា ឆ្នាំ២០២១ នៅម៉ោង ១៖៣០ នាទីរំលងអាធ្រាត ហើយបានទទួលមរណភាព នៅថ្ងៃទី០៧ ខែមេសា ឆ្នាំ២០២១ នៅវេលាម៉ោង ១៖៤០ នាទីរំលងអាធ្រាត តាមការសន្និដ្ឋានរបស់ក្រុមគ្រូពេទ្យបញ្ជាក់ថា៖ បុរសវ័យ៦៨ ឆ្នាំ ខាងលើនេះ បានស្លាប់បាត់បង់ជីវិត ដោយសារតែវិបតិ្តផ្លូវដង្ហើមស្រួចស្រាវ ធ្ងន់ធ្ងរ ដោយសារវីរុសកូវីដ១៩។
រីឯបុរសម្នាក់ទៀត វ័យ៤៩ ឆ្នាំ បានស្លាប់ថ្ងៃទី០៧ ខែមេសា ឆ្នាំ ២០២១ វេលា ម៉ោង ១១៖៥៥ នាទី ដោយសារតែអ្នកជំងឺមានស្ថានភាពធ្ងន់ធ្ងរការវិវត្តិជំងឺពីមួយថ្ងៃទៅមួយថ្ងៃកាន់តែធ្ងន់ធ្ងរ។ តាមការសន្និដ្ឋានរបស់ក្រុមគ្រូពេទ្យ បញ្ជាក់ថា បុរសវ័យ៤៩ ឆ្នាំខាងលើនេះ បានស្លាប់បាត់បង់ជីវិតដោយសារវិបត្តិផ្លូវដង្ហើមធ្ងន់ធ្ងរស្រួចស្រាវ និង រលាកសួតទាំងសងខាងធ្ងន់អធ្ងរ ដោយសារវីរុសកូវីដ១៩៕
សូមអានសេចក្តីប្រកាសព័ត៍មានពិស្តារខាងក្រោម៖