ភ្នំពេញ៖ កាលពីថ្ងៃម្សិលមិញនេះ នាយកដ្ឋានប្រយុទ្ធជំងឺឆ្លង CDC បានប្រកាសរកឃើញអ្នកជំងឺកូវីដ-១៩ម្នាក់ ធ្លាប់បានចូលធនាគារកាណាឌីយ៉ា សាខាទួលទំពូង ដែលមានទីតាំងនៅផ្ទះលេខ១០៨ មហាវិថីម៉ៅសេទុង រាជធានីភ្នំពេញ កាលពីថ្ងៃទី០២ ខែមេសា ឆ្នាំ២០២១ ចាប់ពីម៉ោង១ ដល់ម៉ោង ៥រសៀល។

អាស្រ័យហេតុនេះ នាយកដ្ឋានប្រយុទ្ធជំងឺឆ្លង សូមអញ្ជើញបងប្អូនដែលមានរោគសញ្ញាដូចជា៖ គ្រុនក្ដៅ ក្អក កណ្ដាស់ ឈឺបំពង់ក ឬដកដង្ហើមខ្លីៗ បន្ទាប់ពីបានចេញចូលធនាគារកាណាឌីយ៉ា ដូចពេលវេលា និងកាលបរិច្ឆេទខាងលើ សូមមេត្ដាទៅធ្វើតេស្ដនៅវិទ្យាល័យ​បាក់ទូក​ វិទ្យាល័យ​បឹង​ត្របែក​ មណ្ឌលសុខភាពចាក់អង្រែក្រោម មន្ទីរ​ពេទ្យខ្មែរ-សូវៀត​ ឬមន្ទីរពេទ្យបង្អែកនៅតាមបណ្តាខេត្តនានា ដោយឥតគិតថ្លៃ​។

ដោយឡែក សម្រាប់អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ៕

សេចក្ដីជូនដំណឹង

ប្រភព៖: នាយកដ្ឋានប្រយុទ្ធជំងឺឆ្លង CDC

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ