អាមេរិក៖ តាមការបញ្ជាក់របស់អ្នកតំណាងពាណិជ្ជកម្មអាមេរិក លោកស្រី Katherine Tai បានឱ្យដឹងថា សហរដ្ឋអាមេរិកកំពុងរៀបចំជាបន្ទាប់ក្នុងការផ្អាកទំនាក់ទំនងជាមួយមីយ៉ាន់ម៉ា លើកិច្ចព្រមព្រៀងពាណិជ្ជកម្មសេរី និងវិនិយោគឆ្នាំ២០១៣ ហើយការផ្អាកនេះធ្វើឡើងរហូតទាល់តែរដ្ឋាភិបាលជាប់ឆ្នោតបែបលទ្ធិប្រជាធិបតេយ្យរបស់មីយ៉ាន់ម៉ាវិលត្រឡប់មកកាន់អំណាចវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកស្រី Katherine Tai បន្ថែមថា ក្រុមបាតុករអហិង្សា និសិ្សត ពលករ និងមេដឹកនាំកម្មករ រួមទាំងកុមារត្រូវបានកងកម្លាំងសន្តិសុខមីយ៉ាន់ម៉ាសម្លាប់ ដែលទង្វើនេះបានធ្វើឱ្យមានភាពតត់ស្លុតដល់មនសិការរបស់សហគមន៍អន្តរជាតិ។ លោកស្រីសង្កត់ធ្ងន់ទៀតថា សកម្មភាពដែលប្រព្រឹត្តិដោយយោធាមីយ៉ាន់ម៉ានោះគឺជាការវាយលុកដោយប្រយោលទៅលើដំណើរការរបស់ប្រទេស ស្វែងរកលទ្ធិប្រជាធិបតេយ្យ និងការខិតខំរបស់ប្រជាជនដើម្បីទទួលបានអនាគតប្រកបដោយសន្តិភាព និងវិបុលភាព៕