បរទេស៖ ប្រិយមិត្តរបស់ DC ឬ DCEU ប្រាកដជាបានដឹងមកហើយថាកាលពីឆ្នាំ ២០១៦ ក្រុមហ៊ុន Warner Bros បានបញ្ចេញនូវខ្សែភាពយន្តរបស់ DCEU ថ្មីមួយគឺ Suicide Squad ដែលដឹកនាំសម្ដែងដោយលោក David Ayer គឺពុំទទួលបានការគាំទ្រខ្លាំងក៏ដូចជាការវាយតម្លៃ (rate) ល្អឡើយពីសំណាក់ក្រុមអ្នកទស្សនាក៏ដូចជាអ្នកគាំទ្រ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ប៉ុន្មានឆ្នាំក្រោយមកអ្នកដឹកនាំលោក David Ayer ក៏បានបង្ហើបថាខ្សែភាពយន្ត Suicide Squad ដែលបានចេញកាលពីឆ្នាំ ២០១៦ នោះមិនមែនជារឿងដែលលោកបានចុះកុងត្រាកិច្ចសន្យាដើម្បីសរសេរ និងដឹកនាំសម្ដែងឡើយពីព្រោះថាក្រុមហ៊ុន Warner Bros បានយកផលិតផលសម្រេចរបស់លោកទៅកាត់ជាថ្មីមួយទៀតជាហេតុធ្វើឱ្យអ្នកគាំទ្រមិនពេញចិត្តរហូតដល់មានការទាមទារជាបន្តបន្ទប់រហូតដល់បច្ចុប្បន្ន គឺដោយប្រើពាក្យនិងជា Hashtag ថា #ReleaseTheAyerCut នៅតាមបណ្ដាញសង្គមផ្សេងៗបន្ទាប់ពីជោគជ័យលើចលនា #ReleaseTheSynderCut គឺរឿង Zack Snyder's Justice League នេះឯង។ បើទោះជាយ៉ាងណាក៏ដោយកាលពីថ្មីៗនេះក្រុមហ៊ុន Warner Bros បានបញ្ចាក់យ៉ាងច្បាស់ថាគេនិងមិនមានគម្រោងបញ្ចេញឬអភិវឌ្ឍន៏លើ Ayer cut ឡើយ។
យ៉ាងណាមិញ បើទោះបីជាខ្សែភាពយន្ត Suicide Squad វគ្គ១ ដែលចេញកាលពីឆ្នាំ ២០១៦ មិនត្រូវបានគេបញ្ចេញស្នាដៃដើមរបស់ David Ayer ជាពិតមែនក៏បច្ចុប្បន្ននេះក្រុមហ៊ុន Warner Bros អូសទាញអ្នកផលិតក៏ដូចជាអ្នកដឹកនាំរឿង Guardian of Galaxy ទាំង ៣ វគ្គរបស់ MCU មកអោយដឹកនាំរឿង DCEU របស់ខ្លួនផងដែរគឺលោក James Gunn ឱ្យមកសរសេរ និងដឹកនាំសម្ដែងនូវខ្សែភាពយន្ត Suicide Squad វគ្គ២នេះឯង។
គួរបញ្ចាក់ផងដែរថា James Gunn លោកធ្លាប់បានសន្យាថាខ្លួននឹងខិតខំផលិតក៏ដូចជាជួយឱ្យខ្សែភាពយន្តរបស់ DCEU ឱ្យកាន់តែល្អ ណិងជោគជ័យដូចមុនៗមិនចាញ់ Marvel ឬ MCU ឡើយ។
ដូចដែលលោកបានសន្យាកាលពី ៧ ខែមុនខ្សែភាពយន្តដែលនឹងចាក់បញ្ចាំងនៅថ្ងៃទី៤ ខែកក្ដដា ឆ្នាំ២០២១ រឿង Suicide Squad 2 ឬឈ្មោះជាផ្លូវការថា «The Suicide Squad» នេះត្រូវបានគេបញ្ចេញវីដេអូខ្លី Teaser លាយលំជាមួយនឹងឈុតក្រៅឆាកធ្វើឱ្យហ្វេនៗក៏ដូចជាអ្នកគាំទ្រឃើញថាវាមានភាពអស្ចារ្យមែនទែន ធ្វើឱ្យពួកគេទ្រាំរង់ចាំទស្សនាខ្សែភាពយន្តពេញស្ទើរតែមិនបាន។
ក្រោយបន្ទាប់ពីការរង់ចាំអស់រយៈពេលជិត ៨ ខែ បន្ទាប់ពីវីដេអូខ្លី Teaser នោះមករហូតមកដល់ពេលនេះនាថ្ងៃទី២៦ ខែមីនា ឆ្នាំ២០២១ ពេលអ្នកលោក James Gunn បានបង្ហាញផ្ទាំងរូបភាពនៃខ្សែភាពយន្ត The Suicide Squad នេះជាផ្លូវការថែមទាំងបង្ហើបថ្ងៃបញ្ចេញវីដេអូ Trailer ខ្លីជាផ្លូវការទៀតផងដោយលោកបានបង្ហោះនៅលើបណ្ដាញសង្គម Twitter របស់លោកថា៖ «Tomorrow. Trailer. See you there» ដែលបកប្រែជាភាសាខ្មែរយើងមានអត្ថន័យថា៖ «ថ្ងៃស្អែក វីដេអូខ្លី (Trailer) ។ ជួបគ្នាណា។» ក្រោយឃើញបែបនេះធ្វើឱ្យអ្នកគាំទ្រសប្បាយចិត្តជាខ្លាំង ក្រោយពីបានដឹងថាពួកគេនឹងបានទស្សនាវីដេអូ Trailer ខ្លីជាផ្លូវការនៅថ្ងៃស្អែកគឺថ្ងៃទី២៧ ខែមីនា ឆ្នាំ២០២១ ឆាប់ៗខាងមុខនេះឯង៕