ខួបរៀបការ៥ឆ្នាំ គង់ ចាន់ស្រីមុំ ធ្វើជាមួយស្វាមីយ៉ាងស្វីត និងទទួលបានកាដូពិសេសមួយនេះទៀត (មានវីដេអូ)

សៀមរាប៖ បើនិយាយដល់គ្រួសារដ៏មានសុភមង្គលរបស់តារាស្រី គង់ ចាន់ស្រីមុំ និងលោក គឹម សីហា អ្នកណាៗក៏ដឹងដែរថា ប្ដីប្រពន្ធមួយគូនេះស្រលាញ់គ្នាចាក់ទឹកមិនលេចនោះឡើយ។ ដោយពីមួយថ្ងៃទៅមួយថ្ងៃ ពួកគេតែងតែបង្ហាញភាពផ្អែមល្ហែមជាមួយគ្នានៅលើបណ្ដាញសង្គម ធ្វើឲ្យអ្នកគាំទ្រលួចច្រណែន និងប្រាថ្នាចង់បានគ្រួសារដ៏កក់ក្ដៅដូចពួកគេសឹងគ្រប់គ្នា។

ជាក់ស្ដែង កាលពីយប់មិញនេះ ក៏ជាថ្ងៃគម្រប់ខួបរៀបការ៥ឆ្នាំរបស់ពួកគេផងដែរ។ ដោយក្នុងនោះ គង់ ចាន់ស្រីមុំ រួមនិងស្វាមី បានរៀបចំកម្មវីធីជប់លៀងបែបឯកជនយ៉ាងរ៉ូមែនទិកមួយនៅឯខេត្តសៀមរាប ដោយមានការចូលរួមត្រឹមតែអ្នកនៅក្នុងរង្វង់គ្រួសារនាងប៉ុណ្ណោះ។

ហើយអ្វីដែលធ្វើឲ្យគ្រប់គ្នាចាប់អារម្មណ៍ខ្លាំងថែមទៀតនោះ គឺក្នុងឪកាសពិសេសដដែលនេះ យើងឃើញស្វាមីរបស់ នាង បានធ្វើការ Surprise ជាមួយនឹងកាដូចិញ្ចៀនពេជ្រយ៉ាងស្រស់ស្អាតនិងមានទំហំធំខ្លាំង រីឯតម្លៃវិញក៏ថ្លៃមិនស្ទើរនោះដែរ។ ដែលធ្វើឲ្យតារាស្រីរូបនេះ ឃើញហើយពិតជាភ្ញាក់ផ្អើល និងញញឹមបិទមាត់មិនជិតសោះ ពេលបានទទួលភាពកក់ក្ដៅ និងកាដូដ៏មានតម្លៃពីស្វាមីបែបនេះ៕

ចង់ជ្រាបច្បាស់ ទស្សនារូបភាពនិងវីដេអូខាងក្រោម៖