កម្សាន្ត៖ បើយោងតាមផេកហ្វេសប៊ុកផ្លូវការរបស់កំពូលតារាចម្រៀងប្រចាំព្រះរាជាណាចក្រកម្ពុជា អ្នកនាង ឱក សុគន្ធកញ្ញា បានឱ្យដឹងថា៖ អ្នកនាង មិនមានវិជ្ជមានកូវីដ១៩ ឡើយ ខណៈដែលតារាចម្រៀងរួមទ្រនំគ្រួសារហង្សមាសជាមួយគ្នាមានដូចជា លោក ណុប បាយ៉ារិទ្ធ អ្នកនាង សុគន្ធ និសា កញ្ញា វី ឌីណែត និង អ្នកនាង កែវ ចាន់និមល និង គ្រួសារ សុទ្ធសឹងតែទទួលបានលទ្ធផលវិជ្ជមានកូវីដ១៩ ហើយមកទល់ពេល តារាដែលមានផ្ទុកកូវីដ១៩ ទាំងនេះ កំពុងស្ថិតក្រោមការព្យាបាលរបស់គ្រូពេទ្យ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយគ្នានេះដែរ តាមការអះអាងលើកទី១ ពីការធ្វើតេស្តរបស់អ្នកនាង មិនមានវិជ្ជមានកូវីដ១៩ ទេ តែ អ្នកនាង ឱក សុគន្ធកញ្ញា បានបញ្ជាក់ដូច្នេះថា៖
ជម្រាបសួរ និងសូមអរគុណជាថ្មីម្តងទៀត ចំពោះការជូនពរពីបងប្អូន។ សម្រាប់នាងខ្ញុំ និងក្រុមគ្រួសារព្រមទាំងបុត្រ បានចូលរួមធ្វើតេស្ត លើកទីមួយ រកមេរោគជំងឺកូវីដ១៩ ពេលនេះនាងខ្ញុំបានទទួលលទ្ធផលរួចហើយគឺ អវិជ្ជមាន (Negative) ប៉ុន្តែក្នុងអំឡុងពេលនេះនាងខ្ញុំ និងក្រុមគ្រួសារក៏កំពុងធ្វើចត្តាឡីស័ក្តរយះពេល១៤ថ្ងៃ បន្តតាមដានសុខភាព ដើម្បីធ្វើតេស្តជាលើកទី2 បន្តទៀត តាមការណែនាំរបស់ក្រសួងសុខាភិបាល ។ អរគុណណាស់ដល់ពុកម៉ែបងប្អូន អ្នកស្រលាញ់គាំទ្រនាងខ្ញុំទាំងអស់គ្នាដែលបានបារម្ភនិងសួរសុខទុក្ខជាច្រើនដែលនាងខ្ញុំមិនបានឆ្លើយតបបានទាំងអស់គ្នា ! សូមជូនពរមិត្តភ័ក្របងប្អូនដែលកំពុងសម្រាកព្យាបាល ទទួលបានសុខភាពល្អរឹងមាំមកវិញឆាប់ៗ និងសូមអ្នកទាំងអស់គ្នារក្សាជំហរជំនៈឲ្យបាន ហង្សមាសត្រូវតែរឹងមាំ ។ សូមប្រុងប្រយ័ត្ននឹងបន្តការពារថែទាំសុខភាពអោយកាន់តែខ្លាំងបន្ថែមទៀតចំពោះកូវិដ១៩នេះ " ៣កុំ ៣កាពារ"៕
ដើម្បីជ្រាបកាន់តែច្បាស់ សូមទស្សនារូបភាពខាងក្រោម៖
Bong I.T