បរទេស៖ លោក Yusaku Maezawa ជាមហាសេដ្ឋីជនជាតិជប៉ុនម្នាក់ កំពុងតែរៀបចំបេសកកម្មថ្មីជាមួយនឹងក្រុមហ៊ុនអាកាសចរណ៍ SpaceX ដើម្បីបង្ហោះគាត់ទៅលេងជុំវិញឋានព្រះច័ន្ទនៅក្នុងអំឡុងឆ្នាំ ២០២៣ ខាងមុខនេះ។ រហូតមកដល់ពេលថ្មីៗនេះ គាត់ក៏ប្រកាសជាសាធារណៈថា ចង់ឲ្យមានបុគ្គលសំណាងចំនួន៨ នាក់មកធ្វើដំណើរជាមួយគាត់ដែរ ក្នុងចំណោមមនុស្សសរុបទាំង១០ ទៅ១២ នាក់ នឹងជិះក្នុងរ៉ុកកែតនោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួររម្លឹកដែរថា កាលពីប៉ុន្មានជាង ២ឆ្នាំមុន លោក Yusaku Maezawa បាននិយាយថា គាត់នឹងជិះតែជាមួយ សិល្បករមួយចំនួនទៀតប៉ុណ្ណោះ ដោយឡែកមកដល់ឆ្នាំថ្មីនេះវិញ គាត់ក៏សម្រេចចិត្តចង់នាំយកមនុស្សទូទៅចំនួន ៨ នាក់ទៀត ដែលធ្លាប់មានប្រវត្តិធ្វើអ្វីក៏បាន។
កាលពីឆ្នាំ២០១៨ លោក Elon Musk និងលោក Yusaku Maezawa ជាអ្នកលក់រាយតាមអនឡាញដ៏ល្បីល្បាញ ដែលក្រុមហ៊ុនរបស់គាត់មានតម្លៃរហូតដល់ទៅខ្ទង់ ២ ពាន់លានដុល្លារឯណោះ បានប្រកាសជាផ្លូវការថា ពួកគេនឹងចាប់ផ្ដើមបេសកកម្មបង្ហោះយាន Starship ជាលក្ខណៈដំណើរទស្សនកិច្ចលើកដំបូងបង្អស់។ ចំណែកឯបេសកកម្មមួយនេះ នឹងធ្វើការជិះជុំវិញឋានព្រះច័ន្ទក្នុងរយៈពេលប្រមាណជាង ៦ ថ្ងៃតាមច័ន្ទគតិ ដោយតម្រូវឲ្យអ្នកដែលចង់ចូលរួមទាំងអស់ត្រូវតែចេះ “យកបទពិសោធន៍នេះ ទៅជួយមនុស្សផ្សេងទៀត និងសង្គមតាមមធ្យោបាយរៀងៗខ្លួន” ក៏ដូចជា “មានឆន្ទៈក្នុងការគាំទ្រដល់សមាជិកនាវិកដទៃទៀតដែលមានសេចក្តីប្រាថ្នាស្រដៀងគ្នា”៕