បច្ចុប្បន្ននេះ នៅក្នុងប្រទេសកម្ពុជាយើងកំពុងតែមានការព្រួយបារម្ភពីការផ្ទុះឡើងជាលើកទី៣នៃការរីករាលដាលជំងឺកូវីដ-១៩ ដែលសន្ទុះនៃការឆ្លងគឺមានល្បឿនលឿន និងមានចំនួនច្រើនជាងមុនៗថែមទៀត។ ដោយឡែកចំពោះបញ្ហានេះ គឺជាការព្រួយបារម្ភយ៉ាងខ្លាំងពីសំណាក់រាជរដ្ឋាភិបាល ពលរដ្ឋ ហើយក៏មានការរឹតបន្តឹងទៅលើរឿងមួយចំនួនដូចជាការបិទទីតាំងដែលពាក់ព័ន្ធនឹងអ្នកជំងឺកូវីដ-១៩ ដែលធ្លាប់បានទៅ ឬស្នាក់នៅ ការអំពាវនាវឲ្យមានការពាក់ម៉ាស់ រក្សាគម្លាត និងកាត់បន្ថយការជួបជុំជាដើម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើយើងងាកទៅមើលចំនួនអ្នកឆ្លងទូទាំងសកលលោកវិញ គឺពិតជាគួរឲ្យតក់ស្លុតណាស់ ត្បិតអីចំនួនអ្នកឆ្លងសរុបរហូតដល់ទៅ ១១៤,៦៧៤,៣២៨ នាក់ ចំណែកឯចំនួនអ្នកស្លាប់គឺរហូតដល់ទៅ ២,៥៤២,៥៥៦ នាក់ឯណោះ ដែលក្នុងនោះសហរដ្ឋអាមេរិកឈរនៅលំដាប់លេខ១។ ដូច្នេះ សូមមានការប្រុងប្រយ័ត្ន និងការពារខ្លួនអ្នកពីការឆ្លងនៃជំងឺកូវីដ-១៩ ដោយត្រូវពាក់ម៉ាស់ លាងដៃឲ្យបានញឹកញាប់ រក្សាគម្លាតសង្គម និងបុគ្គល៕