កន្លងមក ការឆ្លើយសំណួរចុងក្រោយនៃការប្រកួតសម្រស់បវរកញ្ញាចក្រវាទ គឺតម្រូវអោយបេក្ខភាពចុងក្រោយ ៥រូបឆ្លើយសំណួរតែមួយសំណួរប៉ុណ្ណោះ ដើម្បីដណ្តើមយកមកុដ។ ប៉ុន្តែអ្វីដែលប្លែកនៅក្នុងឆ្នាំ២០១៤ គេតម្រូវអោយបេក្ខភាព ៥រូបចុងក្រោយ ឆ្លើយសំណួរចំនួន២សំណួរ ដោយសំណួរទី១ពួកគាត់តម្រូវអោយចាប់ឈ្មោះគណៈកម្មការដើម្បីសួរសំណួរ និងសំណួរទី២ គឺតម្រូវអោយពួកគាត់ឆ្លើយសំណួរដូចគ្នា ដែលជាការស្រង់មតិចេញពីអ្នកគាំទ្ររាប់ពាន់នាក់ចេញពីបណ្តាញសង្គម Facebook។ សំណួរទី២នេះដែរ ដោយសារសំណួរមានលក្ខណៈដូចគ្នា គេតម្រូវអោយបេក្ខភាពដទៃទៀតពាក់កាសដើម្បីកុំអោយឮនូវការឆ្លើយសំណួររបស់បេក្ខភាពផ្សេងៗទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបេក្ខភាពចំនួន៥រូបចុងក្រោយទាំងនោះ គឺមកពីសហរដ្ឋអាមេរិក (United States of America) ប្រទេសហូឡង់ (Netherland) ប្រទេសអ៊ុយក្រែន (Ukraine) ប្រទេសចាម៉ៃកា (Jamaica) និងប្រទេសកូឡុំប៊ី (Colombia)។ រីឯអ្នកដែលដណ្តើមបានមកុដក្នុងឆ្នាំ២០១៤ គឺបេក្ខភាពដែលមកពីប្រទេសកូឡុំប៊ី។ ឥលូវយើងទៅមើលសំណួរ និងការឆ្លើយសំណួររបស់ពួកគាត់ដូចតទៅ ។
ទី១. កញ្ញា Kaci Fennell តំណែងរងទី៤ មកពីប្រទេសចាម៉ៃកា
សំណួរទី១: ស្រ្តីម្នាក់ក្នុងចំណោមបីនាក់មានបទពិសោធន៍ជាមួយនឹងអំពើហឹង្សានៅក្នុងជិវិតរបស់នាង។ តើយើងគួរធ្វើដើម្បីអោយចំនួននោះធ្លាក់ចុះ?
ចម្លើយ: សាយ័ន្តសួស្តីអ្នកទាំងអស់គ្នា! បទឧក្រឹត្តិគឺជាផលប៉ះពាល់អាក្រក់របស់ពិភពលោក។ វាមិនប៉ះពាល់តែមួយប្រទេសនោះទេ ហើយយើងគួរស្នើសុំអោយមនុស្សគ្រប់គ្នាទូទាំងពិភពលោក គួរតែរួបរួមគ្នាបង្ការវាទាំងអស់គ្នា។ សូមអរគុណ។
សំណួរទី២: តើអ្វីជាការចូលរួមដ៏ល្អជាងគេរបស់ប្រទេសអ្នក ទៅកាន់ពិភពលោកទាំងមូល?
ចម្លើយ: ពិតណាស់ដូចដែលយើងទាំងអស់គ្នាបានដឹងរួចមកហើយថា យើងគឺជាប្រទេសនៃលោក Bob Marley និងជាបុរសដែលបានបង្កើតទង់ជាតិរបស់ប្រទេសចាម៉ៃកា។
ទី២. កញ្ញា Yasmin Verheijen តំណែងរងទី៣ មកពីប្រទេសហូឡង់
សំណួរទី១: តើការផ្លាស់ប្តូរដ៏ធំអ្វី ដែលអ្នកចង់ឃើញចំពោះស្រ្តីវ័យក្មេងនៅជំនាន់ក្រោយ?
ចម្លើយ: ខ្ញុំគឺជាអ្នកតំណាងដែលធ្វើការសម្រាប់អំពើពេស្យាចារលើកុមារ។ ខ្ញុំចង់អោយអំពើពេស្យាចារលើកុមារត្រូវបានបញ្ឈប់។ នេះគឺជាអ្វីដែលខ្ញុំចង់បានសម្រាប់មនុស្សជំនាន់ក្រោយ។
សំណួរទី២: តើអ្វីជាការចូលរួមដ៏ល្អជាងគេរបស់ប្រទេសអ្នក ទៅកាន់ពិភពលោកទាំងមូល?
ចម្លើយ: ប្រទេសរបស់ខ្ញុំមានសិល្បៈ និងប្រវត្តិសាស្រ្តជាច្រើន។ ហើយខ្ញុំពិតជាមានមោទនភាពខ្លាងណាស់ចំពោះអ្វីទាំងនោះ។
ទី៣. កញ្ញា Diana Harkusha តំណែងរងទី២ មកពីប្រទេសអ៊ុយក្រែន
សំណួរទី១: ប្រសិនបើអ្នកអាចដកចេញការប្រកួតស្លៀកឈុតហែលទឹកចេញពីការប្រកួតបវរកញ្ញាចក្រវាទ តើអ្នកនឹងធ្វើវាទេ? ហេតុអ្វី?
ចម្លើយ: វាអាស្រ័យទៅលើស្ថានភាព។ ប្រសិនបើវាល្អ ហេតុអ្វីទៅត្រូវដកវាចេញ? ខ្ញុំមានទំនុកចិត្តចំពោះអ្វីគ្រប់យ៉ាង។ អរគុណ។
សំណួរទី២: តើអ្វីជាការចូលរួមដ៏ល្អជាងគេរបស់ប្រទេសអ្នក ទៅកាន់ពិភពលោកទាំងមូល?
ចម្លើយ: យើងមានស្ថានភាពដ៏លំបាកនៅក្នុងប្រទេសរបស់យើង។ ហើយឥលូវនេះ ការចូលរួមចំណែកដែលសំខាន់ជាងគេ គឺជាការដឹកនាំកម្លាំងសម្រាប់ទាហាន និងប្រជាជនរបស់យើង។ យើងត្រូវសាងសង់សាលាឡើងវិញ សាលាមតេយ្យ និងជួយដល់ក្មេងកំព្រា។
ទី៤. កញ្ញា Nia Sanchez តំណែងទី១ មកពីសហរដ្ឋអាមេរិក
សំណួរទី១: ប្រសិនបើអ្នកត្រូវបានផ្តល់ពេល៣០វិនាទី ដើម្បីនិយាយទៅកាន់ក្រុមភារវករជុំវិញពិភពលោក តើអ្នកចង់និយាយអ្វី? ចម្លើយ: ប្រសិនបើខ្ញុំមានពេល៣០វិនាទី ដើម្បីនិយាយទៅកាន់ក្រុមភារវករជុំវិញពិភពលោក ខ្ញុំចង់និយាយថា ក្នុងនាមខ្ញុំជាបវរកញ្ញាមកពីសហរដ្ឋអាមេរិក ខ្ញុំតែងតែអាចចែកចាយសារអំពីក្តីសង្ឃឹម ការស្រលាញ់ និងសន្តិភាព។ ហើយខ្ញុំចង់ធ្វើវាអោយបានល្អក្នុងការចែកចាយសារទៅកាន់ពួកគេ និងមនុស្សគ្រប់គ្នានៅក្នុងពិភពលោក។
សំណួរទី២: តើអ្វីជាការចូលរួមដ៏ល្អជាងគេរបស់ប្រទេសអ្នក ទៅកាន់ពិភពលោកទាំងមូល?
ចម្លើយ: យើងមានឥទ្ធិពលដ៏អស្ចារ្យទៅកាន់ពិភពលោក។ យើងតែងតែជួយប្រទេសដទៃទៀតតាមដែលអាចធ្វើទៅបាន។
ទី១. កញ្ញា Paulina Vega ម្ចាស់មកុដ មកពីប្រទេសកូឡុំប៊ី
សំណួរទី១: ប្រហែលជាមានមនុស្សសួរអ្នកថា តើអ្វីដែលបុរសអាចរៀនពីស្រ្តី។ ប៉ុន្តែខ្ញុំចង់ដឹងថា តើអ្វីដែលស្រ្តីអាចរៀនពីបុរស? ចម្លើយ: ខ្ញុំជឿថា ចំពោះស្រ្តីនោះជាសំណួរដ៏តានតឹងមួយ ហើយខ្ញុំក៏ជឿថា បុរសគ្រប់រូបជឿទៅលើសមត្ថភាព ហើយនោះជាអ្វីដែលស្រ្តីគួរតែរៀនពីបុរស។
សំណួរទី២: តើអ្វីជាការចូលរួមដ៏ល្អជាងគេរបស់ប្រទេសអ្នក ទៅកាន់ពិភពលោកទាំងមូល?
ចម្លើយ: ប្រទេសរបស់ខ្ញុំគឺជាគម្រូមួយសម្រាប់ប្រទេសដទៃទៀត។ យើងខំព្យាយាមជួយមនុស្សគ្រប់គ្នា ដោយមិនខ្វល់ថាជាមធ្យោបាយអ្វីនោះទេ។ យើងបន្តព្យាយាមទៀតសម្រាប់អ្វីដែលយើងចង់បំពេញវា៕
Bong I.T