ភ្នំពេញ៖ សុភ័ក្រ កុសុម៉ា ជាតារាស្រីពហុជំនាញ ដែលមានសមត្ថភាពខ្ពស់សម្បូរបែបទាំងការច្រៀង និងជាពិធីការិនីពូកែវោហាស័ព្ទ ប្រសព្វខាងកំប្លែងស្ងួតជាមួយនឹងកាយវិការដ៏ក្រមិចក្រមើម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតួយ៉ាង បើងាកទៅមើលពីសម្រស់របស់តារាស្រីសម្បុរស្រអែមរូបនេះវិញឃើញថា មានភាពទាក់ទាញពីមួយថ្ងៃទៅមួយថ្ងៃ ជាមួយនឹងការតុបតែងខ្លួនដ៏លេចធ្លោបែបស៊ីវិល័យ។
ទន្ទឹមនឹងគ្នានេះផងដែរ បើក្រឡេកទៅមើលរូបរាងនាងកាលពីប៉ុន្មានខែមុនៗ តារាស្រីរូបនេះមានសាច់ឈាមយ៉ាងទ្រលុកទ្រលន់ ធ្វើឲ្យនាងទទួលបានពាក្យបង្អាប់ខ្លះៗពីមនុស្សជុំវិញខ្លួន រហូតធ្វើឲ្យនាងទ្រាំលែងបានសុខចិត្តឆ្លៀតពេលរត់ទៅហាត់ប្រាណ និងតមអាហារស្ទើររាល់ថ្ងៃតែម្តង។
រហូតមកទល់នឹងពេលនេះជាមួយនឹងការខិតខំប្រឹងប្រែង តស៊ូអត់ធ្មត់រយៈពេលត្រឹមតែប៉ុន្មានខែប៉ុណ្ណោះ ធ្វើឲ្យនាងពិតជាអាចសម្រេចបំណងមែន ហើយថែមទាំងបង្ហាញអារម្មណ៍ខ្លះៗទៅកាន់អ្នកមើលងាយ ព្រមទាំងលើកទឹកចិត្តដល់អ្នកមានរាងធាត់ៗយ៉ាងដូច្នេះថា៖ «ពិតជាពិបាកទ្រាំនូវពាក្យដែលគេមើលងាយនិយាយចំៗ ថាធាត់ម៉េះ ធាត់ទៅចាស់ម៉េះ អាក្រក់ណាស់ ទៅណាគេសើចពីមុខពីក្រោយ សំខាន់ឆ្ងាញ់ត្រង់ថាធាត់ហើយខ្មៅទៀត ពាក្យទាំងអស់នេះហើយទើបធ្វើអោយខ្ញុំអាចយកឈ្នះពីការអត់ឃ្លានបាន ខ្ញុំមិនខឹងអ្នកទេ មានតែអរគុណអ្នកថែម បើមិនមានអ្នកថាអោយទេប្រហែលខ្ញុំ ៦០គីឡូហើយមើលទៅ មានតែខ្លួនឯងទេដែលធ្វើឲ្យយើងសម្រេចគោលបំណងបាន ហើយគ្មានការជោគជ័យណាបានដោយស្រួលនោះទេ។ ខ្ញុំសុំលើកទឹកចិត្តអ្នកធាត់ៗគ្នាយើងណា»៕
សូមទស្សនារូបភាពខាងក្រោមនេះ៖