ភ្នំពេញ៖ ក្រោយលេចឮដំណឹងដ៏ក្ដៅគគុករវាងទំនាក់ទំនងរបស់លោក ចេន និងកញ្ញា ហ៊ិន ច័ន្ទនីរ័ត្ន ពីធីការរិនីឆ្នើមរួចមក អ្នកលេងបណ្ដាញសង្គមនាំគ្នាស៊ែរភ្លូកទឹកភ្លូកដី ខណៈអ្នកមួយចំនួនចោទជាសំណួរឡើងថា «ពួកគេមានទំនាក់ទំនងគ្នាលើសពីមិត្តមែនទេ?»។
ថ្មីៗលោកចេនបានបញ្ចេញនូវរូបភាពបែបស្និតស្នាលបំផុតជាមួយកញ្ញានីរ័ត្ននៅលើគណនីហ្វេសប៊ុកផ្ទាល់ខ្លួនអមជាមួយនឹងខ្លឹមសារបែបស្នេហាទៀត។ ទន្ទឹមគ្នានោះ នៅលើទំព័រ IG របស់កញ្ញា ហ៊ិន ច័ន្ទនីរ័ត្ន ក៏បានបង្ហោះនូវរូបភាពស្និទ្ធស្នាលផងដែររវាងកញ្ញា និងលោកចេននោះ។
មហាជន និងអ្នកគាំទ្រជាច្រើនមានការងឿងឆ្ងល់ជាខ្លាំង និងបានចោទសួរថាតើនេះជាអ្វីឲ្យប្រាកដទៅរវាងអ្នកទាំងពីរ។ មិនបង្អង់យូរឡើយ តាមប្រភពច្បាស់ការមួយបានរៀបរាប់ថា សូមបងប្អូនឈប់មានការយល់ច្រឡំទាំងទៀតទៅព្រោះថា តាមរយៈពាក្យសម្ដីបុគ្គលអ្នករួមការងារម្នាក់បានបង្ហើបប្រាប់ថា «រូបថតទាំងប៉ុន្មានដែលអ្នកទាំងពីរបានថតជាមួយគ្នាលើទូក និងរូបថតធ្លាប់ថតជាមួយគ្នាកន្លងមកនោះ វាគ្រាន់តែជាការរួមដំណើរ ទៅថតតែប៉ុណ្ណោះព្រោះថាតារាបប្រុសស្រីទាំង២ដួងនេះ មានការងាររួមគ្នា ពោលគឺអ្នកទាំងពីរថតស្ពត និងថត Short Film ឱ្យផលិតផលទឹកផ្លែឈើមួយប្រភេទ»៕
សូមទស្សនារូបភាពខាងក្រោមបន្ថែមទៀត៖