អង់គ្លេស៖ លោក Rio Ferdinand ដែលជាអតីតកីឡាកររបស់បិសាចក្រហម Manchester United បានរិះគន់កីឡាកររបស់ក្លិបសេះបង្កង់ Juventus ថាលេងបានអន់ណាស់ក្នុងបរាជ័យ ២-១ទល់នឹង ក្លិប Porto ក្នុងវគ្គ១៦ក្រុមជើងទី១នៃពាន Champions League និងថែមទាំងអះអាងថាវាជាសំណាងរបស់ Juventus ដែលរកគ្រាប់បាល់វាយបក Porto បាន១គ្រាប់នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សJuventus ធ្វើមិនសូវបានល្អទេក្នុងការប្រកួតមួយនេះដោយបានភ្លាត់របូតគ្រាប់បាល់ នៅដើមតង់ទាំង២តង់ តែម្ដង ធ្វើឲ្យពួកគេចាញ់ការប្រកួតជើងទី១ទល់នឹង Porto ខណៈ ខ្សែប្រយុទ្ធ Cristiano Ronaldo រកគ្រាប់បាល់មិនបានឡើយតែបានព្យាយាមតវ៉ាដាក់អាជ្ញាកណ្ដាលដើម្បីសុំបាល់ប៉េណាល់ទីតែមិនជោគជ័យ។
យ៉ាងណាមិញ Federico Chiesa រកបាន១គ្រាប់ដែរនៅនាទីទី៦២ ដែលជួយឲ្យ Juventus មិនសូវភ័យក្នុងការប្រកួតជើងទី២ ប៉ុន្តែលោក Rio Ferdinand បែរជានិយាយថាក្រុមមួយនេះពិតជាអន់ណាស់។
គួរបញ្ជាក់ផងដែរថាក្លិបសេះបង្កង់ Juventus បានឈ្នះការប្រកួត UEFA Champions League នេះបានពីរដងគត់ និងលើកពាន UCL លើកចុងក្រោយនៅឆ្នាំ១៩៩៦ ហើយនៅរដូវកាលមុនក្រុមមួយនេះត្រូវក្លិប Lyon ទម្លាក់ចេញពីវគ្គ១៦ក្រុមផងដែរ៕
ប្រភព៖ metro