មិនរត់គេចពីបញ្ហា! ក្រោយបើកឡាន បុករុឺម៉កយប់មិញ នាយចាប ចៀន ត្រៀមសងសំណង៧០០ដុល្លារ ដល់ជនរងគ្រោះ (មានវីដេអូ)

ភ្នំពេញ៖ ក្រោយពីនាយ ចាប ចៀន បានបង្កគ្រោះថ្នាក់ចរាចរណ៍ដោយបើកឡាន បុករុឺម៉ក កាលយប់មិញនេះ លោកក៏បានបង្ហាញពីទំនួលខុសត្រូវដោយមិនរត់គេចចេញពីបញ្ហាឡើយនិង ថែមទាំងបានសងសំណងទៅភាគីម្ខាងទៀតចំនួន៧០០ដុល្លារផងដែរ។

ដោយឡែក ដោយយោងតាមកិច្ចសម្ភាសន៍ផ្ទាល់មាត់ជាមួយនឹង លោក អុឹម ជីវ៉ា បានបង្ហាញថា តារាកំប្លែងរូបនេះ បានទទួលខុសត្រូវទាំងស្រុង ពោលគឺតាំងពីថ្ងៃកើតហេតុម្ល៉េះ នៅថ្ងៃសុក្រទី១២ ខែកុម្ភៈនៅជិតស្តុបតិចណូ ពេលជួបបញ្ហាភ្លាមគឺលោកឈប់ឡានហើយលោកជួយរឹតប្រេងកូឡានិងជូនថវិកា ១០០ដុល្លារ មិនតែប៉ុណ្ណោះលោក ក៏បានប្រាប់ទៅកាន់ជនរងគ្រោះ ថាលោកគឺជាតារាកំប្លែង ចាប ចៀន បើមានអីធ្ងន់ធ្ងរជាងនេះប្រាប់លោកមកលោក និងជួយបន្ថែម ។

យ៉ាងណាមិញ ទស្សនិកជនក៏បានសរសើរទៅកាន់តារាប្រុសរូបនេះណាស់ ដែលនៅទទួលខុសត្រូវទាំងស្រុង ពេលជួបបញ្ហាបែបនេះ ដោយពិតជាតារាគម្រូពិតមែន៕

សូមចូលទស្សនារូបភាពនិង វីដេអូខាងក្រោម៖