ភ្នំពេញ៖ កំពូលតារាចម្រៀងដ៏ល្បីល្បាញប្រចាំផលិតកម្មរស្មីហង្សមាស អ្នកនាង ពេជ្រ សោភា កាន់តែមាន ប្រជាប្រិយភាពខ្លាំងឡើងៗពីមួយឆ្នាំទៅមួយឆ្នាំ និងមានការគាំទ្រពីសំណាក់អ្នកគាំទ្រស្ទើរតែពាសពេញផ្ទៃប្រទេសតែម្តង បន្ទាប់ពីអ្នកនាងបានប្រឡូកក្នុងវិស័យសិល្បៈអស់រយៈពេលជាង ១០ ឆ្នាំមកនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្វីដែលគួរឲ្យកត់សម្គាល់នោះគឺតារាចម្រៀង ពេជ្រ សោភា មិនត្រឹមតែជោគជ័យការងារសិល្បៈនោះទេ សូម្បីតែមុខជំនួញផ្ទាល់ខ្លួនរបស់អ្នកនាងក៏ទទួលបានជោគជ័យខ្លាំងមិនធម្មតាដែរ។
បើងាកមកមើលពីការងារសិល្បៈវិញឃើញថា វីដេអូចម្រៀង បទចម្រៀងថ្មីៗ និងពីរោះៗរបស់អ្នកនាងបានចេញជាបន្តបន្ទាប់ ដើម្បីកំដរអារម្មណ៍មិត្តអ្នកស្តាប់មិនដែលរំលងឡើយ ព្រមទាំងទទួលបានការគាំទ្រយ៉ាងខ្លាំងក្លាផងដែរ។
ជាក់ស្តែង កាលពីថ្មីៗនេះក្រុមហ៊ុនហង្សមាស បានទិញសិទ្ធក្នុងការផលិតកម្មវិធីប្រលងចម្រៀងថ្មីមួយទៀតដែលមានឈ្មោះថា «BEAT THE BEST» ដែលមានអ្នកនាង ពេជ្រ សោភា គឺជាគណៈកម្មការ ព្រមទាំងគណៈកម្មការចំនួន ៣ រូបផ្សេងៗទៀតដូចជា លោក ឆន សុវណ្ណរាជ លោក នីកូ និងកញ្ញា ផន ស្រីខួច៕
សូមទស្សនារូបភាពខាងក្រោមនេះ ៖