រុស្ស៊ី៖ អ្នកប្រដាល់ឆ្នើមសញ្ជាតិរុស្ស៊ី Khabib Nurmagomedov ដែលល្បីល្បាញខាងចាប់ឃ្លេកបង្ខំឲ្យ អ្នកប្រដាល់ Conor McGregor សុំចុះចាញ់ត្រឹមទឹកទី៤នៅសង្វៀន UFC 229 កាលពីឆ្នាំ២០១៨ កន្លងទៅនេះបានប្រកាសថាគេនឹងចូលប្រឡូកក្នុងវិស័យបាល់ទាត់វិញដោយចង់ផ្លាស់ប្ដូរអាជីពមកធ្វើជាកីឡាករបាល់ទាត់តាមរយៈ សារមួយក្នុងគណនីបណ្ដាញសង្គម Twitter ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករវ័យ៣២ឆ្នាំរូបនេះបានប្រកាសចូលនិវត្តន៍ពីសង្វៀន UFC (Ultimate Fighting Championship) កាលពីខែតុលាឆ្នាំ២០២០ បន្ទាប់ពីវាយឈ្នះអ្នកប្រដាល់ Justin Gaethje ហើយថ្មីៗនេះលោកប្រធានស្ថាប័ន UFC បានបង្ហើបថា Khabib អាចនឹងចូលវ៉ៃវិញតែសាម៉ីខ្លួនបានចេញមុខបដិសេធហើយថាគេនឹងមិនឡើងសង្វៀនវិញទេ។
យ៉ាងណាមិញ ថ្មីៗនេះ Khabib Nurmagomedov បានងាកមកចាប់អារម្មណ៍ប្រើរន្ទះជើងទាត់បាល់វិញម្ដង ដោយបានបង្ហោះវីដេអូឃ្លីបមួយអមជាមួយរូបគេខ្លួនឯងកំពុងរីករាយនឹងការទាត់បាល់ល់វាលស្មៅព្រមជាមួយសារនិយាយថា៖
យោងតាមការរាយការណ៍បានឲ្យដឹងថា Khabib ក៏បានលេងបាល់ជាលក្ខណៈកម្សាន្តជាមួយនឹងអតីតខ្សែបម្រើនៅក្លិប AC Milan គឺ Clarence Seedorf ដែលបច្ចុប្បន្នជាគ្រូបង្វឹករបស់ជម្រើសជាតិហូឡង់ ដែល Seedorf គឺជានិមិត្តរូបក្នុងចិត្តឪពុករបស់ Khabib គឺលោក Abdulmanap Nurmagomedov ផងដែរ។
យ៉ាងណាមិញការបង្ហោះរបស់គេគ្រាន់ជាការលេងសើចប៉ុណ្ណោះ។
គួររម្លឹកផងដែរថា កំណត់ត្រារបស់ Khabib Nurmagomedov គឺគេវាយឈ្នះទាំង២៩ដង (២៩-០)៕
ប្រភព៖ sportbible