ប្រិយមិត្តបានជ្រាបរួចមកហើយថា លោកស្រី ស្វែង សុជាតា គឺជាតារាសម្តែង ដែលប្រកបដោយទេព្យកោសល្យ និងជា​សិល្បករ​ជើងចាស់។ រីឯកញ្ញា ដួង ម៉ានិចវិញ ក៏ជាតារាសម្តែងដែលមានទេពកោសល្យ និងសម្រស់ស្រស់​ស្អាត​ផងដែរ​។ រំឭកកាលពីជាង ១ឆ្នាំមុន តារាសម្តែងទាំងពីរ បានចំណាយពេលវេលារបស់ខ្លួនចូលរួមសម្ភាស និងជាតារា​កិត្តិយស​​ក្នុងកម្មវិធី 3Fun ដែលជា​កម្មវិធី​​កំពុងពេញនិយមមួយនៅក្នុងប្រទេសកម្ពុជា។

នៅពេលបើកកម្មវិធីមិនទាន់បានប៉ុន្មានផង គឺនៅពេលតារាកិត្តិយសទាំងពីរដើរចូលមកកន្លែងអង្គុយ គឺស្រាប់តែមាន​ការទង្គិច​ពាក្យសម្តីគ្នា ដណ្តើមកន្លែងអង្គុយរៀងៗខ្លួន។ ពេលនោះដែរ គឺជាពេលវេលាដ៏តានតឹងសម្រាប់​ពិធីករ​ទាំង៣រូប ជាពិសេសកញ្ញាកុសុមៈ និងផេនខេក ពីព្រោះមិនបានដឹងថា នេះគឺជាការរៀបចំទុកមុន ដើម្បីពញ្ញាក់​អារម្មណ៍​របស់អ្នកគាំទ្រ និងទស្សនិកជន។ រីឯលោក អៀង វិច្ឆ័យ បានដឹង និងរៀបចំអោយតារាកិត្តិយសទាំង ២សម្តែង​ធ្វើជាប៉ះគ្នា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រសិនបើទស្សនិកជនទស្សនាតាំងពីដើម ប្រាកដជាគិតថា លោកស្រី ស្វែងសុជាតា និងកញ្ញា ដួង ម៉ានិចពិតជាឈ្លោះ​គ្នាមែន ដែលជារឿងនឹកស្មានមិនដល់ តាមពិតវាគ្រាន់តែជាការសម្តែង និងរៀបចំមុនប៉ុណ្ណោះ។ ក្រោយពេលបាន​ដឹង​ការ​ពិត​ហើយ កុសុមៈ និងផេនខេកមានការហួសចិត្តជាខ្លាំង ដោយមិននឹកស្មានសោះថានេះជាការសម្តែង និងជាការ​គ្រោង​ទុកមុនរបស់កម្មវិធី។ ចុងក្រោយលោកស្រី ស្វែង សុជាតា និងកញ្ញា ដួង ម៉ានិច បានធ្វើបទសម្ភាស និងសម្តែង​រឿង​ជាមួយគ្នាខ្លីៗ ក្នុងកម្មវិធី 3Fun ជាធម្មតា។

ចង់ជ្រាបច្បាស់ សូមទស្សនាវីដេអូខាងក្រោម៖ 

វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ដួង ម៉ានិច