Muller ជះកំហឹងដាក់អ្នកកាសែតក្រោយ Bayern ភ្លាត់ចាញ់ក្រុមមកពីលីគលំដាប់ទី២ ធ្លាក់ចេញពីពាន DFB-Pokal (មានវីដេអូ)

អាល្លឺម៉ង់៖ ខ្សែប្រយុទ្ធសញ្ជាតិអាល្លឺម៉ង់ Thomas Muller បានបញ្ចេញកំហឹងដាក់អ្នកសម្ភាសន៍បន្ទាប់ពីក្លិបយក្ស Bayern Munich ដែលជាម្ចាស់ពាន UCL រដូវកាលមុនមួយនេះបានភ្លាត់ចាញ់ក្លិប Holstein Kiel ដែលមកពីលីគលេខ២របស់អាល្លឺម៉ង់ក្នុងលទ្ធផល ២ ទល់នឹង ២ ដោយ Holstein Kiel បានប៉េណាល់ទីកាត់សេចក្ដីនាំមុខ Bayern ៦ ទល់នឹង ៥ ។

បរាជ័យនេះធ្វើឲ្យ Bayern Munich ភ្លាត់ធ្លាក់ចេញពីពាន DFB-Pokal ដែល Bayern ធ្លាប់គ្រងតំណែងជើងឯកកាលពីរដូវកាលមុនដែរ ហើយវាបានបង្កភាពតក់ស្លុតដល់កីឡាករនិងភ្ញាក់ផ្អើលដល់អ្នកគាំទ្រ Bayern Munich ជាខ្លាំង។

យោងតាមសារព័ត៌មាន NEWSSPORT ខ្សែប្រយុទ្ធ Thomas Muller បានវាយបកទៅអ្នកកាសែតទាំងកំហឹងខណៈដែលទឹកមុខរបស់គេបញ្ជាក់ឲ្យដឹងថាកំពុងក្រពុលមុខខ្លាំងណាស់។

រឿងហេតុនោះបានកើតឡើងក្រោយចប់ការប្រកួតដោយ Muller បានផ្ដល់កិត្តិយសចូលខ្លួនផ្ដល់បទសម្ភាសន៍ជាមួយទូរទស្សន៍ ARD ប៉ុន្តែអ្នកកាសែតឈ្មោះ Valeska Homburg ម្នាក់នោះបានសើចនិងសួរគេថាតើគេមានអារម្មណ៍យ៉ាងម៉េចក្រោយ Bayern ធ្លាក់ចេញពីពាន DFB-Pokal បែបនេះទើបវាប្រៀបដូចប្រេងជះលើសាំង បញ្ឆេះកំហឹង Muller តែម្ដង។

Muller បានឆ្លើយតបទាំងខឹងថា៖

អ្នកកាសែតស្រីម្នាក់នោះប្រញាប់បិទមាត់និងចង់បកស្រាយថានាងមិនបានសើចដោយសាររឿង Bayern Munich ចាញ់ក្រុមមកពីលីគលេខ២នោះឡើយប៉ុន្តែ Muller ស្រាប់តែនិយាយកាត់នាងថា៖

Valeska Homburg ដែលជាអ្នកកាសែតស្រីម្នាក់នោះបានព្យាយាមសួរ Muller បន្តទៀតថាគេមានអីត្រូវពន្យល់ដែរទេថាហេតុអី Bayern ភ្លាត់ធ្លាក់បែបនេះ តែ  Muller នៅតែមិនឈប់ខឹង។

គេតបថា៖

គួរបញ្ជាក់ផងដែរថា Bayern Munich មិនធ្លាប់ធ្លាក់ចេញពីពាន DFB-Pokal លឿនបែបនេះទេតាំងពីឆ្នាំ២០០០-២០០១ មកទើបនេះជាហេតុផលមួយរួមផ្សំដែលធ្វើឲ្យកីឡាករ Bayern Munich តក់ស្លុតនិងខកចិត្តជាខ្លាំង៕

សូមទស្សនាវីដេអូខាងក្រោមនេះ៖

ប្រភព៖ metro