ក្រោយសម្រាលកូនហើយ សុន ស្រីពេជ្រ ព្យាយាមសម្រកទម្ងន់បានរហូតដល់ ១៥គីឡូ

ភ្នំពេញ៖ អ្នកនាង សុន ស្រីពេជ្រ បច្ចុប្បន្នជាតារាចម្រៀងក្នុងផលិតកម្មថោន ក្រោយពេលដែលអ្នកនាងសម្រេចចិត្តចាកចេញពីទ្រនំហង្សមាស ក្នុងពេលដែលពុំសូវទទួលបានបទចម្រៀងថ្មីៗដើម្បីកំដរអារម្មណ៍អ្នកគាំទ្រ។

គួររំលឹកថាក្រោយពេលដែលបានចូលមកជ្រកកោនក្នុងទ្រនំផលិតកម្មថោន ម្ចាស់បទ “ចំណងដៃទឹកភ្នែក” រូបនេះក៏សម្រចចិត្តមានស្វាមី និងបានបង្កើតកូនប្រុស-ស្រី រហូតដល់ទៅ ២រូប ផងដែរ។

ក្នុងនោះក្រោយពេលដែលអ្នកនាងសម្រាលកូនរួចរាល់ ឃើញថាតារាចម្រៀងមាឌល្អិតរូបនេះហាក់ឡើងគីឡូគួរឱ្យកត់សម្គាល់ដោយផ្អែកទៅលើរូបរាង និងផ្ទៃមុខកាន់តែធំជាងមុន ខណៈដែលគីឡូឡើងពី ៤៨គីឡូ រហូតដល់ ៦៨គីឡូ។

យ៉ាងណាមិញស្ថិតក្នុងរូបរាងធាត់បែបនេះមិនប៉ុន្មាននោះទេ អ្នកនាង សុន ស្រីពេជ្រ ស្រាប់តែបានព្យាយាមសម្រកគីឡូបានរហូតដល់ទៅ ១៥គីឡូ ខណៈដែលបច្ចុប្បន្ននេះអ្នកនាងនៅសល់តែ ៥៣គីឡូ តែប៉ុណ្ណោះ៕

សូមទស្សនារូបភាពខាងក្រោមនេះ៖