លើកណាក៏សឹងច្រឡំ! មួយឈុតនេះ​ អុីវ៉ា​ និងប្អូនស្រី​ ស្អាតដូចកូនភ្លោះ

កំពង់ស្ពឺ៖ ជាការពិតណាស់ តារាចម្រៀងដ៏មានប្រជាប្រិយភាព កញ្ញា អ៊ីវ៉ា គឺជាតារាស្រីមួយរូប ដែលមានអ្នកគាំទ្រស្ទើរគ្រប់វ័យពេញចិត្តជាមួយនឹងសមត្ថភាពសិល្បៈដ៏ពូកែ អាចច្រៀងបត់បែនបានគ្រប់ប្រភេទបទចម្រៀង ពិសេសទោះបីតារារូបនេះចូលចិត្តលេងខ្លួន និងប្រើជីវិតយ៉ាងសាមញ្ញយ៉ាងណាក៏ដោយ ក៏នាងនៅតែមើលទៅស្រស់ស្អាត ឃ្យូតៗគួរឲ្យស្រលាញ់ផងដែរ។

ដោយឡែក បើងាកមកមើលរូបថតជាច្រើនសន្លឹករបស់ អ៊ីវ៉ា ​ជាមួយប្អូនស្រីបង្កើត ដែលទើបតែបានបង្ហោះនៅលើបណ្ដាញសង្គមកាលពីពេលថ្មីៗនេះវិញ យើងឃើញថា អ្នកទាំងពីរពិតជាស្រស់ស្អាត គួរឲ្យចាប់អារម្មណ៍ទាំងបងទាំងប្អូនតែម្ដង។

ដោយក្នុងនោះ តារាស្រីរូបនេះនិងប្អូនស្រីបាននាំគ្នាទៅដើរលេងនៅវាលមួយកន្លែង​ ហើយបានរៀបចំតុបតែងខ្លួន និងស្លៀកពាក់ឈុតដូចគ្នាបេះបិត បន្ទាប់មកក៏បានថតរូបជាមួយគ្នាដោយប្រើកាយវិការយ៉ាងស្និទ្ធស្នាល។ ហើយគ្រប់រូបថតទាំងនោះ មើលមួយភ្លែតស្ទើរតែច្រឡំថាជាកូនភ្លោះទៅហើយ ព្រោះតែអ្នកទាំងពីរមានមុខមាត់ស្រដៀងគ្នា និងស្អាតមិនចាញ់គ្នានោះឡើយ ដែលធ្វើឲ្យហ្វេនៗឃើញហើយ នាំគ្នាពោលពាក្យសរសើរពីពួកគេជាហូរហែរផងដែរ៕

ទស្សនារូបភាពខាងក្រោម៖