បន្ទាប់ពីបង្ហាញវត្តមានជាតួអង្គចិត្តអាក្រក់មានឈ្មោះថា Doctor Otto Octavious នៅក្នុងរឿង Spider-Man 2 របស់អ្នកដឹកនាំ Sam Raimi កាលពីឆ្នាំ ២០០៤ នោះពេលនេះតារាសម្តែង Alfred Molina នឹងមកសម្តែងសារជាថ្មីនូវតួអង្គមួយនេះ ក្នុងវគ្គថ្មីរបស់ Spider-Man នៃចក្រវាល Marvel Cinematic Universe។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមសារព័ត៌មាន The Hollywood Reporter កាលពី ១ ខែមុនដែលជាពាក្យចចាមអារ៉ាមទាក់ទងនឹងលោក Alfred Molina មកសម្តែងជាតួអង្គ Doc Ock នេះបាននិយាយថាគេបានឃើញលោកកំពុងតែថតរឿងថ្មីសម្តែងជាតួអង្គមួយនេះ។ ចាប់តាំងពីពេលនោះមកប្រភពគួរឲ្យទុកចិត្ត ក៏បានបញ្ជាក់ថានេះជាការពិតដោយលោក Alfred Molina ចូលរួមក្នុងចក្រវាល MCU នេះជាមួយនឹងតារាសម្តែង Jamie Foxx ដែលសម្តែងជាតួអង្គ Electro ក្នុងរឿង The Amazing Spider-Man 2។
យ៉ាងណាមិញ ក៏មានពាក្យចចាមអារ៉ាមទាក់ទងនឹងលោក Tobey Maguire និង Andrew Garfield ដែលជាអតីតតួអង្គ Spider-Man នឹងមកចូលរួមម្តងទៀតដោយបង្ហាញខ្លួនជាតួអង្គ Spider-Man ដដែល ដោយគេគ្រោងនឹងផលិតរឿង Spider-Man មកពីចក្រវាលផ្សេងគ្នាដែលធ្វើឲ្យ Spider-Man មានរហូតដល់ទៅ ៣ រូប ហើយខាងផលិតកម្ម Sony ឬក៏ Disney ក៏មិនទាន់បញ្ជាក់ពីរឿងមួយនេះឡើយ។
គួរបញ្ជាក់ផងដែរថា Spider-Man 3 នឹងបង្ហាញវត្តមានរបស់ខ្លួននាថ្ងៃទី ១៧ ខែ ធ្នូ ឆ្នាំ ២០២១ នេះហើយ៕