ការងាររួមគ្នាលើកដំបូង ចន សុទីម៉ា និង ឈុន រក្សា បង្អួតសម្រស់យ៉ាងស៊ិចស៊ី មិនឲ្យចាញ់គ្នាឡើយ

កោះរ៉ុង៖ បើនិយាយពីការថតម៉ូត មានសិល្បការិនីជាច្រើន បានបង្ហាញខ្លួនស្លៀកក្នុងឈុតសម្លៀកបំពាក់ ដែលមានការច្នៃឡើងថ្មីឲ្យឃើញពីភាពលេចធ្លោ ព្រមទាំងបានរៀបចំខ្លួនយ៉ាងស្រស់ស្អាតគួរឲ្យទាក់ទាញថែមទៀតផង។ ក្នុងនោះដែរ បើក្រឡេកទៅមើល កញ្ញា ចន សុទីម៉ា ដែលជា Miss Dream Girl Of The Year 2019/2020 និងកញ្ញា ឈុន រក្សា ទើបនឹងក្លាយជាម្ចាស់ជ័យលាភីលំដាប់រងទី១ក្នុងកម្មវិធី Miss Universe Cambodia 2020 បានរួមការងារថតម៉ូតជាមួយគ្នា ស្លៀកនូវឈុតប៊ីគីនីយ៉ាងស៊ីអារម្មណ៍តែម្ដង។ 

លើសពីនេះទៅទៀត បើនិយាយពីរូបសម្ផស្ស កញ្ញា ចន សុទីម៉ា និងកញ្ញា ឈុន រក្សា ពិតជាមានរូបសម្រស់ស្រស់ស្អាត​ដូចគ្នាតែម្ដង ហើយអ្វីដែលកាន់តែចាប់អារម្មណ៍នោះ ពេលតារាស្រីពីររូបនេះ បានស្លៀកនៅឈុតស៊ិចស៊ីបញ្ចេញរាងស្រឡូន និងបង្ហាញស្ទីលថតរូបស៊ីអារម្មណ៍ដូចនេះហើយ ឃើញថាលេចធ្លោខ្លាំងតែម្ដង។ បើទោះបី អ្នកទាំងពីរទើបតែបានរួមការងារជាមួយគ្នាជាលើកដំបូង តែមើលទៅតារាស្រីទាំងពីររូបនេះ ពិតជាស្និទ្ធសា្នលជាមួយគ្នាខ្លាំងតែម្ដង។ 

បន្ទាប់ពីបង្ហោះរូបភាពថ្មី បង្ហាញភាពស៊ិចស៊ីនេះរួច មានអ្នកលេងបណ្ដាញសង្គម និងអ្នកគាំទ្រជាច្រើន បានចូលទៅ Comment សរសើរពីរូបសម្រស់តារាស្រីពីររូបនេះគ្រប់គ្នាសឹងតែមិនដាច់ពីមាត់ ខណៈបានឃើញ កញ្ញា ចន សុទីម៉ា និងកញ្ញា ឈុន រក្សា បានបង្ហាញស្នាដៃថ្មីរួមការងារថតម៉ូតស៊ីអារម្មណ៍នៅមាត់សមុទ្រយ៉ាងដូច្នេះ៕

សូមទស្សនារូបភាពខាងក្រោម៖