មកដឹងរឿងរ៉ាវ ៩យ៉ាងដែលអ្នកមិនធ្លាប់ដឹងពីជីវិតពិតរបស់តារាសម្តែងរូបសង្ហា Nadech

ថៃ៖ តារាសម្តែងថៃលោក Nadech Kugimiya កំពុងតែទទួលបានប្រជាប្រិយភាព ក៏ដូចជាការគាំទ្រជាខ្លាំងពីសំណាក់ប្រិយមិត្តអ្នកស្រលាញ់ភាពយន្តថៃ ក៏ព្រោះតែរូបរាងដ៏ស្រស់សង្ហា និងទេពកោសល្យសម្តែងដ៏ប៉ិនប្រសប់ទៀតនោះ ទើបធ្វើឲ្យតារាសម្តែងរូបនេះមានឈ្មោះបោះសំឡេងជាខ្លាំងក្នុងវិស័យភាពយន្ត​។ ហើយខាងក្រោមនេះជារឿងរ៉ាវមួយចំនួនពាក់ព័ន្ធនឹងតារាសម្តែងរូបនេះ ដែលអ្នកគាំទ្រភាគច្រើនប្រហែលមិនទាន់បានដឹង៖

១. Nadech Kugimiya គឺកើតនៅ ថ្ងៃទី១៧ ខែធ្នូ ឆ្នាំ១៩៩១ នៅខេត្តខនខៀន ប្រទេសថៃ។

២. Nadech Kugimiya សព្វថ្ងៃរស់នៅជាមួយឪពុកចិញ្ចឹមឈ្មោះ Yoshio Kugimiya និងម្តាយចិញ្ចឹមឈ្មោះ Sudarat Kugimiya ដែលជាមីងរបស់ខ្លួន។

៣. តារាសម្តែងដ៏ស្រស់សង្ហារូបនេះជាកូនកាត់ថៃ-អូស្ត្រាលី ។

៤. Nadech បានបញ្ចប់ថ្នាក់បរិញ្ញាបត្រផ្នែកសិល្បៈទំនាក់ទំនង ជំនាញ ភាពយន្ត និងវីដេអូ ។

៥. Nadech បានជួបអ្នកចាត់ចែងតារាដ៏មានឥទ្ធិពលគឺលោក A-Supachai ដោយចៃដន្យនៃខេត្តខនខៀន បន្ទាប់មក A-Supachai ក៏បាននាំ Nadech ឲ្យចូលវិស័យសិល្បៈជាលើកដំបូងជាតារាម៉ូដែល ដែលនៅពេលនោះ Nadech មានអាយុទើបតែ១៧ឆ្នាំប៉ុណ្ណោះ ។

៦. Nadech បានចូលសម្តែងដំបូងក្នុងខ្សែភាពយន្តភាគដំបូងដែលមានចំណងជើងថា Ngao Ruk Luang Jai នៅឆ្នាំ២០១០ ។

៧. ក្នុងឆ្នាំ២០១០ដដែល ប្រជាប្រិយភាពរបស់តារាប្រុសរូបនេះបានហក់ឡើងជាខ្លាំងបន្ទាប់ពីសម្តែងជាមួយ Yaya Urassaya ក្នុងខ្សែភាពយន្តរឿង 4 Huajai Haeng Khon Kao: Duang Jai Akkanee ។

៨. Nadech Kugimiya ធ្លាប់បានចុះហត្ថលេខាយល់ព្រមធ្វើជាទូតសុឆន្ទៈជាមួយ Brand ជាច្រើន ហើយសព្វថ្ងៃនេះត្រូវបានគេឲ្យឈ្មោះថាជាស្តេចផ្សាយពានិជ្ជកម្ម ។

៩. ជាចំណុចដែលប្រិយមិត្តភាគច្រើនប្រហែលជាបានដឹងរួចមកហើយ គឺ Nadech កំពុងតែមានទំនាក់ទំនងជាមួយ Yaya Urassaya Sperbund ៕

ចង់ដឹងថា Nadech ស្រស់សង្ហាយ៉ាងណាសូមទស្សនារូបភាពខាងក្រោម ៖