ភ្នំពេញ៖ ក្រោយពីបញ្ចប់ការប្រលងចម្រៀងផ្នែកកុមារ The Voice Kid Cambodia រដូវកាលទី១ រួចមក កុមារី ឃុយ ម៉ីហៀង ក៏បានក្លាយជាតារាចម្រៀងវ័យក្មេងមួយរូបប្រចាំផលិតកម្មរស្មីហង្សមាសដែលមានបទចម្រៀងចេញលក់ជាច្រើនបទ និងមានទីផ្សារគួរសមទៅលើការចេញច្រៀងតាមការប្រគំតន្ត្រីនានាផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្វីដែលធ្វើឱ្យមហាជនមួយចំនួនមានការចាប់អារម្មណ៍នោះ គឺរាល់ពេលដែលកុមារីសម្បុរស្រអែមស្រស់រូបនេះ តុបតែងខ្លួនឡើងឆាកបកស្រាយចម្រៀងម្តងៗ សឹងតែធ្វើឱ្យគេគ្រប់គ្នាចំណាំនាងតូចម្នាក់នេះសឹងមិនបានឡើយ ព្រោះតែ ម៉ីហៀង ពេលនេះមានសម្រស់កាន់តែស្រស់ស្អាតខ្លាំងជាងពីមុន ហើយការលេង Style រៀបចំខ្លួនវិញ ក៏កាន់តែមានភាពជាយុវវ័យច្រើនផងដែរបើទោះជាពេលនេះនាងមានអាយុត្រឹមតែ ១៥ឆ្នាំក្តី។
ក្នុងនោះដែរ ក៏មានអ្នកគាំទ្រមួយចំនួនរបស់កុមារី ឃុយ ម៉ីហៀង បានបញ្ចេញមតិថា ពួកគេពិតជាចង់ឃើញ Idol តូចម្នាក់នេះមានវត្តមាននៅក្នុងការសម្តែងក្នុងខ្សែភាពយន្តភាគណាមួយរបស់ទូរទស្សន៍ហង្សមាសណាស់ ព្រោះ ម៉ីហៀង មិនត្រឹមតែមានសំនៀងពីរោះក្រអួនក្រអៅតែមួយមុខប៉ុណ្ណោះទេ នាងក៏មានដុងសម្តែង MV បានល្អ និងមានទម្រង់មុខយ៉ាងស្រស់ស្អាតពីធម្មជាតិផងដែរ។ ប៉ុន្តែយ៉ាងណាមិញ គ្រប់គ្នានៅមិនទាន់ច្បាស់ទេថា តើ ម៉ីហៀង ពិតជាបានចូលរួមសម្តែងរឿងភាគរួចទៅហើយ ឬក៏មិនទាន់បានសម្តែងនោះទេ ព្រោះថាកន្លងមក តារាចម្រៀងហង្សមាសមួយចំនួន ទាល់តែរឿងភាគមួយនោះកៀកដល់ថ្ងៃចាក់ផ្សាយទស្សនា ទើបអាចធើ្វឱ្យហ្វេនៗរបស់ពួកគេមានការភ្ញាក់ផ្អើលជាមួយនឹងការទស្សនា Trailer ផ្លូវការពីខាងផលិតកម្មផ្ទាល់តែម្តង៕
សូមទស្សនារូបភាពខាងក្រោម៖