លោកស្រី ឱ វណ្ណឌីន អ្នកនាំពាក្យក្រសួងសុខាភិបាល នៅរសៀលថ្ងៃ ៣០វិច្ឆិកាកន្លងនេះ បានបញ្ជាក់ពីរបាយការណ៍សង្ខេបស្តីពីបច្ចុប្បន្នភាពករណីពុលស្រាស គិតត្រឹមថ្ងៃដដែល។ តាមរបាយការណ៍ លោកស្រីបង្ហាញថា៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស- ករណីសង្ស័យពុលស្រាស សរុបចំនួន ១៣១នាក់ (ស្រី ៦នាក់)។
- អ្នកចេញជាសះស្បើយចំនួន ៩០នាក់។
- កំពុងសម្រាកព្យាបាលនៅមន្ទីរពេទ្យខេត្តកំពង់ឆ្នាំងបុរសចំនួន ៣១នាក់។
- សម្រាកព្យាបាលនៅមន្ទីរពេទ្យកាល់ម៉ែតចំនួន ៣នាក់ ។
- អ្នកស្លាប់ចំនួន ៧នាក់ (នៅមនី្ទរពេទ្យខេត្ត ២នាក់ ស្លាប់ពេលបញ្ជូនទៅភ្នំពេញ ២នាក់ ស្លាប់នៅផ្ទះ ២នាក់ និងស្លាប់នៅមន្ទីរពេទ្យកាល់ម៉ែត ១នាក់។
ករណីសង្ស័យពុលស្រាសខាងលើ បានកើតឡើងតាំងពីថ្ងៃ ២៨ ខែវិច្ឆិកាមកម្ល៉េះ គឺនៅឃុំខ្លុងពពក ស្រុកទឹកផុស ខេត្តកំពង់ឆ្នាំង។ ចំណែក ចំណាត់ការភ្លាមៗ មន្ត្រីសុខាភិបាលបានបញ្ជូនអ្នករងគ្រោះមកមន្ទីរពេទ្យ ដាក់បំរាមពលរដ្ឋរឿងផឹកស្រាស និងប្រាប់ឲ្យបញ្ឈប់ការធ្វើចរាចរលក់ដូរស្រាសជាបន្ទាន់។
គួររំឭកថា តាមការបញ្ជាក់ពីក្រសួង ដំណើរដើមទងគឺអ្នកទាំងអស់ខាងលើបានមកចូលរួមកំដរបុណ្យសពក្នុងភូមិ ហើយជួបជុំគ្នាពិសារស្រាស រីឯការសន្និដ្ឋានរបស់ក្រុមការងារចុះស្រាវជ្រាវ គឺជាករណីសង្ស័យពុលស្រាស៕