ភ្ញាក់ផ្អើល! ក្រោយកូនប្រុសកំពូលតារាចម្រៀង ព្រាប សុវត្ថិ ចេញបទចម្រៀងបែបស្រុកស្រែជាលើកដំបូង (មានវីដេអូ)

ភ្នំពេញ៖ នៅរាត្រីថ្ងៃទី២៧ ខែវិច្ឆិកា ឆ្នាំ២០២០ នេះទំព័រហ្វេសប៊ុកផ្លូវការរបស់ផលិតកម្មរស្មីហង្សមាស ទើបនឹងបានបង្ហោះនូវវីដេអូចម្រៀងថ្មីមួយរបស់កូនប្រុសទី២ កំពូលតារាចម្រៀង ព្រាប សុវត្ថិ គឺលោក សុវត្ថិ មុនីនាគ។

អ្វីដែលជាភាពភ្ញាក់ផ្អើលខ្លាំងបំផុតនោះគឺ តាំងពីចូលក្នុងផលិតកម្មមកកូនប្រុសទាំង៣ របស់ម្ចាស់បទ “សន្យាស្រុកស្រែ” មិនធ្លាប់នឹងចេញបទចម្រៀងជាប្រភេទបែបស្រុកស្រែនោះទេ ដែលគេសង្កេតឃើញបទជាច្រើនសុទ្ធសឹងជាបទបែបញាក់កន្ត្រាក់អារម្មណ៍ ឬ បែបមនោសញ្ចេតនាយុវវ័យបច្ចុប្បន្នជាដើម។

តួយ៉ាង នេះជាលើកទីមួយហើយដែល លោក សុវត្ថិ មុនីនាគ អាចច្រៀងបទចម្រៀងបែបស្រុកស្រែបានយ៉ាងពីរោះមិនចាញ់លោកឪពុកនោះទេ បូករួមជាមួយការដាក់អារម្មណ៍មនោសញ្ចេតនាថែមទៀតផង។

ចំពោះបទចម្រៀងដែលទើបនឹងចេញថ្មីនេះមានចំណងជើងថា “ក្រដូចបងមិនសមស្នេហ៍” និពន្ធទំនុកច្រៀងដោយលោកផ្ទាល់ និពន្ធបទភ្លេងដោយ Mr Dom និងសម្រួលតន្ត្រីដោយលោកគ្រូ ម៉ម មិថុនា៕

សូមទស្សនារូបភាព និងវីដេអូខាងក្រោមនេះ៖