ស្លៀកខ្លីម្ដង Yang Mi បង្ហាញពីជើងតូចដូចចង្កឹះ ឲ្យហ្វេនៗបារម្ភគ្រប់គ្នា

ចិន៖ ថ្មីៗនេះ យោងតាម ទំព័រ Mango បានរាយការណ៍ឲ្យដឹងថា កាលថ្ងៃទី ២៤ ខែវិច្ឆិកា តារាស្រីល្បីឈ្មោះ Yang Mi បានចូលរួមក ម្មវិធីផ្សាយផ្ទាល់ ពីម៉ាកយីហោមួយ ដែលបានធ្វើឡើងនៅមជ្ឈមណ្ឌលពាណិជ្ជកម្ម ដែលមានបណ្ដាហ្វេនៗជាច្រើន បានទៅចូលរួមគាំទ្រដល់តារាស្រីរូបនេះ ផងដែរ។ 

មិនត្រឹមតែប៉ុណ្ណោះ ក៏មានរូបថតជាច្រើនសន្លឹក ដែលបានថតដោយអ្នកគាំទ្រ ខណៈពេលនាងកំពុងធ្វើដំណើរទៅកាន់កន្លែងផ្សាយផ្ទាល់ដែលនឹងត្រូវថតនោះ បានបង្ហាញពីភាពស្រស់ស្អាត និងមន្តស្នេហ៍ នៃសម្រស់ដ៏លេចធ្លោរបស់នាង ដែលទទួលបានចំណាប់អារម្មណ៍ពីទស្សនិកជនយ៉ាងខ្លាំង។ 

យ៉ាងណាមិញ អ្វីដែលគួរឲ្យកត់សម្គាល់នោះគឺ នាងថែមទាំងមានការរៀបចំខ្លួន ក្នុងរ៉ូបខ្លី បង្អួតរាងដ៏ស្លីមស្អាត ប៉ុន្តែបែរជាត្រូវបានគេប្រទះឃើញ ពីភាពស្គមស្គាំង ខណៈដែលជើងរបស់នាង មានសភាពតូចដូចចង្កឹះ ​ ដែលបានធ្វើឲ្យបណ្ដាអ្នកគាំទ្រទាំងនោះ ចូលមកសម្ដែងការព្រួយបារម្ភយ៉ាងខ្លាំង ពីសុខភាពរបស់នាង គ្រប់ៗគ្នា៕ 

សូមទស្សនារូបភាពខាងក្រោម៖