ភ្នំពេញ៖ ពន្លកតារាចម្រៀងដែលដុះឡើងចេញពីកម្មវិធីប្រឡងចម្រៀងកុមារលំដាប់ថ្នាក់ពិភពលោក The Voice Cambodia កុមារា ពេជ្រ ថៃ កំពុងតែទទួលបានកេរ្តិ៍ឈ្មោះល្បីល្បាញ និងការងារសិល្បៈជាច្រើនក្រោយចូលប្រឡូកក្នុងពិភពសិល្បៈរយៈពេលជាង ៣ឆ្នាំ មកនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សម្ចាស់ពានរង្វាន់ The Voice Cambodia រដូវកាលទីមួយខាងលើនេះ ក៏ជាតារាចម្រៀងវ័យក្មេងដំបូងគេក្នុងផលិតកម្មផងដែរ ខណៈដែរមិត្តភក្តិរួមជំនាន់ដែលបានចូលក្នុងផលិតកម្មហង្សមាសជាមួយគ្នារួមមាន ឡុង លីងគ័ង្គ សុខ សុជាតា និងឃុយ ម៉ីហៀង ជាដើម។
យ៉ាងណាមិញ បើងាកមកជីវិតគ្រួសារវិញ ក្រោយជោគជ័យបានបន្តិច ពេជ្រ ថៃ ស្រាប់តែបានបាត់បង់លោកយាយជាទីស្រលាញ់ ដែលខ្លួនតែងតែហៅថា “ម៉ែចាស់” កាលពីកំឡុងពាក់កណ្តាលឆ្នាំ២០១៨។ ដោយឡែកនាពេលថ្មីៗប៉ុន្មានថ្ងៃមុននេះ តារាចម្រៀងវ័យក្មេងរូបនេះស្រាប់តែបើកបង្ហាញនូវអារម្មណ៍ពិតដែលបានបាត់បង់លោកយាយជាទីស្រលាញ់មើលថែខ្លួនតាំងពីក្មេង រហូតបង្ហូរទឹកភ្នែកសស្រាក់រកទប់មិនបាននោះឡើយ។
ពេជ្រ ថៃ បានបង្ហាញអារម្មណ៍ពិតថា “មុនពេលដែលលោកយាយបាត់បង់ជីវិត លោកយាយបានខលទូរសព្ទរកខ្លួន និងបាននិយាយថា នឹងរង់ចាំរហូតឃើញមុខចៅទើបគាត់ស្លាប់” គ្រាន់តែឮបែបនេះ ពេជ្រ ថៃ ក៏ប្រញាប់មកជួបមុខលោកយាយបានត្រឹមរយៈពេល ០២ម៉ោង លោកយាយក៏ស្លាប់នៅហ្នឹងមុខចៅប្រុសទៅបាត់មែន ដែលនេះពិតជារឿងដ៏ឈឺចាប់ជាខ្លាំងរបស់ ពេជ្រ ថៃ ដែលមិនអាចរួមរស់ជាមួយលោកយាយក្នុងគ្រាដែលផុតទុក្ខលំបាកនេះទៅវិញ៕
សូមទស្សនារូបភាព និងវីដេអូខាងក្រោមនេះ៖