រឿងភាគរបស់ Jisoo ត្រូវបានផ្អាកពាក់កណ្តាលទី បន្ទាប់ពីតួសម្ដែងម្នាក់បានប៉ះពាល់ អ្នកផ្ទុកកូវីដ-១៩

កូរ៉េខាងត្បូង៖ យោងតាមសេចក្តីរាយការណ៍របស់ ប្រព័ន្ធផ្សព្វផ្សាយនៅថ្ងៃទី ២៤ ខែវិច្ឆិកានេះ បានឲ្យដឹងថា ការថតរឿងភាគថ្មីរបស់ ប៉ុស្តិ៍ទូរទស្សនិ៍ JTBC រឿង Snowdrop ត្រូវបានផ្អាកកណ្តាលទី កាលនៅថ្ងៃទី ២៣ ខែវិច្ឆិកាដោយសារតែ មានតួសម្ដែងម្នាក់ មានការប៉ះពាល់យ៉ាងស្និទ្ធ ជាមួយអ្នកផ្ទុកវីរុសកូវីដ-១៩។

តាមប្រភពដដែលបានបន្ថែមថា តួរងម្នាក់ក្នុងរឿងនេះ​ បានប៉ះពាល់ និងមានទំនាក់ទំនងយ៉ាងស្និទ្ធ ជាមួយអ្នកផ្ទុកវីរុសកូវីដ១៩។ តួសម្ដែងរូបនេះ បានប្រាស្រ័យទាក់ទង ជាមួយអ្នកមានវិជ្ជមានកូវីដ១៩ ខណៈពេលដែលកំពុងថតរឿងមួយផ្សេងទៀត។ 

យ៉ាងណាមិញ ដោយសារតែមានករណីនេះបានកើតឡើង រាល់ការថតខ្សែភាពយន្តមួយនេះ ត្រូវបានផ្អាកចាប់តាំងពីថ្ងៃទី ២៣ ខែវិច្ឆិកា ហើយរាល់តួអង្គ ក៏ដូចជាបុគ្គលិកទាំងអស់ ដែលបានទំនាក់ទំនង និងពាក់ព័ន្ធ កំពុងរង់ចាំលទ្ធផលនៃការធ្វើតេស្តរបស់ពួកគេផងដែរ៕

សូមទស្សនារូបភាពខាងក្រោម៖