ភ្នំពេញ ៖ យោងតាមការចុះផ្សាយរបស់គេហទំព័រ ONE Championship បានឲ្យដឹងថា អ្នកប្រយុទ្ធរបស់កម្ពុជា គឺកីឡាករ ចាន់ រតនា នឹងត្រូវជួបគ្នាជាមួយ កីឡាករជនជាតិចិន XIE WEI នៅប្រទេសសឹង្ហបុរី នាថ្ងៃទី១៨ ខែធ្នូ ឆ្នាំ២០២០ ។
គួរបញ្ជាក់ផងដែរថា កីឡាករចិនរូបនេះ មានកម្ពស់១,៧០ម៉ែត្រ ដោយជំនាញរបស់គេគឺក្បាច់គុនចម្រុះ MMA ចំណែកឯប្រវត្តិប្រកួតគុនចម្រុះ ១៤ដង ឈ្នះ ១១ដង ចាញ់ ៣ដងហើយគេធ្លាប់ប្រកួតនៅលើសង្វៀន ONE Warrior Series បាន១ដង ឈ្នះ ប៉ុន្តែការប្រកួតចុងក្រោយរបស់គេ បានចាញ់ជើងខ្លាំងហ្វីលីពីន សមាជិកក្រុម Lakay ដានី ឃីងអេដ យ៉ាងប្រផិតប្រផើយបំផុត ។
ចំណែកឯ រតនា វិញ ក៏មានប្រវត្តិប្រកួតមិនធម្មតាដែរ នៅលើសង្វៀន ONE នេះ ដោយប៉ុន្មានប្រកួតចុងក្រោយ រូបគេឈ្នះទាំងអស់ ។
ថាតើ ចាន់ រតនា អាចរក្សាកំណត់ត្រាមិនដែលចាញ់ បានដែរឬទេ ឬ កីឡាករ XIE WEI អាចបំបែកកំណត់ត្រានេះបាន? ហើយប្រសិនបើ រតនា ឈ្នះការប្រកួតនេះវិញ នោះរតនា នឹងមានឱកាសកាន់តែខិតជិត ក្លាយជាបេក្ខភាពដណ្ដើមខ្សែក្រវាត់ពិភពលោក ពីស្ថាប័នសង្វៀនមួយនេះ ៕
ប្រភព៖ One Championship